ରାଇକିଆ,୨୩।୧୨ (ପ୍ରଦୀପ ବେହେରା): କେନ୍ଦ୍ର ସରକାର ୨୦୨୬ ମାର୍ଚ୍ଚ ସୁଦ୍ଧା ମାଓବାଦୀ ମୁକ୍ତ ପାଇଁ ଲକ୍ଷ୍ୟ ରଖୁଛନ୍ତି। ଏହି ସମୟ ପାଖେଇ ଆସୁଥିବାରୁ ପୋଲିସ ମାଓବାଦୀଙ୍କୁ ମୂଳତ୍ପୋଟନ ପାଇଁ ପ୍ରୟାସ କରୁଛି। ଏ ଦିଗରେ ପୋଲିସ ବ୍ୟାପକ ସଚେତନତା ସୃଷ୍ଟି କରିବା ସହ କନ୍ଧମାଳ ଜିଲାରେ ମାଓବାଦୀଙ୍କ ତାଲିକା ପୋଲିସ ଜାରି କରିବା ସହ ଏମାନଙ୍କୁ ଧରାଇ ଦେଲେ ପୁରସ୍କାର ରାଶି ଯୋଗାଇ ଦିଆଯିବ ବୋଲି ପୋଷ୍ଟରରେ ଉଲ୍ଲେଖ କରାଯାଇଛି I ପୋଷ୍ଟରଗୁଡିକ ରାଇକିଆ ବ୍ଲକର ମାଣିକେଶ୍ବର ପଞ୍ଚାୟତ ସମେତ ଦୁର୍ଗମ କରଡ଼ା ଏବଂ ଇନ୍ଦ୍ରଗଡ ପଞ୍ଚାୟତର ବିଭିନ୍ନ ଅଞ୍ଚଳରେ ଦେଖିବାକୁ ମିଳିଛି। ଏହି ସବୁ ଅଞ୍ଚଳରେ ମାଓବାଦୀ ଗତିବିଧି ରହିଥିବା ଏବଂ କିଛି ମାସ ତଳେ ପୋଲିସ ସହ ମୁହାଁମୁହିଁ ଏବଂ ଗୁଳିବିନିମୟ ମଧ୍ୟ ହୋଇଥିଲା ।