ପୁରୁଷୋତ୍ତମପୁର,୧୬ା୩(ସବିତା ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ବ୍ଲକ ବଡ଼ଖରିଡ଼ା ସରପଞ୍ଚଙ୍କ ପ୍ରତିନିଧି ଭାଜପାର ବରିଷ୍ଠ ଯୁବସଂଗଠକ ରମେଶ ଚନ୍ଦ୍ର ଦଳେଇଙ୍କୁ ଭାଜପା ପକ୍ଷରୁ ସାଙ୍ଗଠନିକ ଦାୟିତ୍ୱ ପ୍ରଦାନ କରି ପୁରୁଷୋତ୍ତମପୁର ଏନ୍ଏସିର ପ୍ରଭାରୀ ଭାବରେ ନିଯୁକ୍ତି ଦିଆଯାଇଛି। ପ୍ରତିକ୍ରିୟା ରଖି ରମେଶ କହଛନ୍ତି ଯେ, ଦଳ ମୋ’ ଉପରେ ଆସ୍ଥା ଓ ବିଶ୍ବାସ ରଖି ଏହି ଦାୟିତ୍ୱ ଦେଇଛନ୍ତି। ସବୁବେଳେ ମୁଁ ନିଷ୍ଠାର ସହ ସମସ୍ତ ଦଳୀୟକର୍ମୀଙ୍କୁ ନେଇ କାର୍ଯ୍ୟକ୍ରମକୁ ସୂଚାରୁ ରୂପେ ତୁଲାଇବି। ଆଗକୁ ଏନ୍ଏସି ନିର୍ବାଚନ ରହିଥିବା ବେଳେ କିପରି ଅଧ୍ୟକ୍ଷ ପଦବୀ ସହ ସମସ୍ତ କାଉନସିଲର ପ୍ରାର୍ଥୀ ଏକତରଫା ଭାବେ ବିଜୟୀ ହେବେ ତାହା ମୂଳ ଲକ୍ଷ୍ୟ ରହିଛି ବୋଲି କହି ସେ ରାଜ୍ୟ ସଭାପତି, ଆସିକା ଏମ୍ପି, କବିସୂର୍ଯ୍ୟନଗର ବିଧାୟକ ଏବଂ ଜିଲା ସଭାପତି ବିଜୟ ସ୍ବାଇଁଙ୍କୁ ଧନ୍ୟବାଦ ଦେଇଛନ୍ତି।