ଭଦ୍ରକ, ୭।୪(ସନାତନ ରାଉତ): ପୂର୍ବାଞ୍ଚଳ ଡିଆଇଜିଙ୍କ ନିଦ୍ଦେର୍ର୍ଶକ୍ରମେ ବାଲେଶ୍ୱର, ଭଦ୍ରକ ଓ ମୟୁରଭଞ୍ଜ ଜିଲାରେ ପୋଲିସ ପକ୍ଷରୁ ଗୋ’ ମାଫିଆଙ୍କ ଘରେ ରେଡ କରାଯାଇଛି l ଭଦ୍ରକର ପୁରୁଣାବଜ଼ାରରେ ୫ଟି ଓ ଗୁଜିଦାରଡ଼ାରେ ୩ଟି ମୋଟ ୮ଟି ସ୍ଥାନରେ ମଙ୍ଗଳବାର ଭୋର ସମୟରୁ ରେଡ ଆରମ୍ଭ କରାଯାଇଥିଲା l ପ୍ରାୟ ୨୦ ଲକ୍ଷ ନଗଦ ଟଙ୍କା ସହ ସୁନା ଅଳଙ୍କାର ଓ ଭୁଜାଲି, ଖଣ୍ଡା, ଛୁରି ଆଦି ବିଭିନ୍ନ ମାରଣାସ୍ତ୍ର ପୋଲିସ ଜବତ କରିଛି ବୋଲି ଏସପି ମନୋଜ ରାଉତ କହିଛନ୍ତି। ୫ ଗୋ’ ମାଫିଆଙ୍କୁ ପୋଲିସ ଅଟକ ରଖିଛି l ଗୋ’ ମାଫିଆମାନେ ବିଭିନ୍ନ ସମୟରେ ଗୋ’ ମାଂସ ଓ ଗୋଚାଲାଣ କରି ବହୁ ପରିମାଣରେ ଟଙ୍କା ସୁନା ଗଚ୍ଛିତ ରଖିବା ସହ ବିଭିନ୍ନ ସମୟରେ ହିଂସା ଓ ଗଣ୍ଡଗୋଳ ଘଟୁଥିବା କାରଣରୁ ଏହି ରେଡ କରାଯାଇଛି ବୋଲି ଏସପି କହିଛନ୍ତି l ୨ ଡ଼ିଏସପି, ୧୦ ଇନ୍ସପେକ୍ଟରଙ୍କ ନେତୃତ୍ୱରେ ୮ଟି ପୋଲିସ ଟିମ ସହ ୬ ପ୍ଲାଟୁନ ଫୋର୍ସ ମୁତୟନ ରହିଥିଲେ l