ନୂଆଦିଲ୍ଲୀ,୧୪।୨: ପ୍ରଧାନମନ୍ତ୍ରୀ ମୋଦି ତାଙ୍କ ଆମେରିକା ଗସ୍ତ ସମୟରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଏକ ମିଳିତ ଖବରଦାତା ସମ୍ମିଳନୀ କରିଛନ୍ତି। ଏହି ସମୟରେ ଜଣେ ଖବରଦାତା ଗୌତମ ଆଦାନୀଙ୍କ ମାମଲା ସମ୍ପର୍କରେ ଏକ ପ୍ରଶ୍ନ ପଚାରିଥିଲେ। ପ୍ରଶ୍ନର ଉତ୍ତର ଦେବା ସମୟରେ ପ୍ରଧାନମନ୍ତ୍ରୀ ମୋଦି କହିଥିଲେ ଯେ ଦୁଇ ଦେଶର ନେତା ବ୍ୟକ୍ତିଗତ ବିଷୟ ବିଷୟରେ କଥା ହୁଅନ୍ତି ନାହିଁ।
ଏବେ ତାଙ୍କର ଏଭଳି ବୟାନକୁ ନେଇ କଂଗ୍ରେସ ନେତା ରାହୁଲ ଗାନ୍ଧୀ ଟାର୍ଗେଟ କରିଛନ୍ତି। ସେ କହିଛନ୍ତି, ଆମେରିକାରେ ମଧ୍ୟ ମୋଦି ଜି ଆଦାନୀ ଜିଙ୍କ ଦୁର୍ନୀତିକୁ ଘୋଡାଇ ଦେଇଛନ୍ତି। ପ୍ରଧାନମନ୍ତ୍ରୀ ମୋଦିଙ୍କୁ କଟାକ୍ଷ କରି ରାହୁଲ ଗାନ୍ଧୀ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଲେଖିଛନ୍ତି, ଦେଶରେ ପ୍ରଶ୍ନ ପଚାରିଲେ, ନୀରବତା, ବିଦେଶରେ ପଚାରିଲେ ତାହା ଏକ ବ୍ୟକ୍ତିଗତ ମାମଲା। ଆମେରିକାରେ ମଧ୍ୟ ମୋଦି ଜି ଆଦାନୀ ଜିଙ୍କ ଦୁର୍ନୀତିକୁ ଘୋଡାଇ ଦେଇଛନ୍ତି। ଯେତେବେଳେ ବନ୍ଧୁଙ୍କ ପକେଟ ପୂରଣ କରିବା ମୋଦି ଜିଙ୍କ ପାଇଁ ‘ରାଷ୍ଟ୍ର ନିର୍ମାଣ’ ହୋଇଥାଏ, ସେତେବେଳେ ଲାଞ୍ଚ ନେବା ଏବଂ ଦେଶର ସମ୍ପତ୍ତି ଲୁଟ କରିବା ‘ବ୍ୟକ୍ତିଗତ ମାମଲା’ ହୋଇଯାଏ।”