ନୂଆଦିଲ୍ଲୀ/କୋଲକାତା,୬ା୮: ବହୁ ଚର୍ଚ୍ଚିତ ବିବାହ ପରେ ଦିଲ୍ଲୀରେ ଏମ୍ପି ମହୁଆ ମୋଇତ୍ରା ଏବଂ ପୂର୍ବତନ ବିଜେଡି ଏମ୍ପି ପିନାକୀ ମିଶ୍ର ଏକ ରିସେପ୍ସନ ପାର୍ଟିର ଆୟୋଜନ କରିଥିଲେ।
ଏହି ପାର୍ଟିରେ ସୋନିଆ ଗାନ୍ଧୀ, ଅଖିଳେଶ ଯାଦବ, ଭଗଓ୍ବନ୍ତ ମାନ, ଡିମ୍ପଲ ଯାଦବ ଏବଂ ଇକ୍ରା ହାସନଙ୍କ ସମେତ ଅନେକ ନେତା ଏହି ରିସେପ୍ସନରେ ଯୋଗ ଦେଇଥିଲେ। ଏଥିସହିତ ତୃଣମୂଳ ଏମ୍ପି ତଥା ଅଭିନେତ୍ରୀ ରଚନା ବାନାର୍ଜୀ ମଧ୍ୟ ଏହି ରିସେପ୍ସନ ପାର୍ଟିରେ ଯୋଗ ଦେଇ ଦମ୍ପତିଙ୍କୁ ଅଭିନନ୍ଦନ ଜଣାଇଥିଲେ।
ରଚନା ତାଙ୍କ ସୋସିଆଲ ମିଡିଆ ଆକାଉଣ୍ଟ ଇନ୍ଷ୍ଟାଗ୍ରାମରେ ରିସେପ୍ସନର କିଛି ଫଟୋ ଶେୟାର କରିଛନ୍ତି। ଶିବସେନା ୟୁବିଟି ଏମ୍ପି ପ୍ରିୟଙ୍କା ଚତୁର୍ବେଦୀ ଏବଂ ତୃଣମୂଳର ସାୟୋନି ଘୋଷ ନବଦମ୍ପତିଙ୍କୁ ଅଭିନନ୍ଦନ ଜଣାଇଛନ୍ତି।
ପ୍ରଥମେ ଜର୍ମାନୀରେ ମୋହୁଆ-ପିନାକୀଙ୍କ ବିବାହ ସାର୍ବଜନୀନ ହୋଇଥିଲା, ତା’ପରେ ଉଭୟ ରାଜନୈତିକ ଏବଂ ସାଧାରଣ ମହଲରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଥିଲା।