ଥୁଆମୂଳ ରାମପୁର,୨୫।୪(ଦୁର୍ଗା କୀର୍ତ୍ତି): ପୋଲିସ ଓ ସାଧାରଣ ଜନତାଙ୍କ ମଧ୍ୟରେ ସୁସମ୍ପର୍କ ସ୍ଥାପନ କରିବା ପାଇଁ ବିଭିନ୍ନ ଦୁର୍ଗମ ଅଞ୍ଚଳରେ ପୋଲିସର ଜନସମ୍ପର୍କ ଶିବିରମାନ ଆୟୋଜନ କରି ପୋଲିସ ଓ ଜନସାଧାରଣଙ୍କ ମଧ୍ୟରେ ବିଶ୍ବାସ ଭାବଜାଗ୍ରତ କରିବା ଉଦ୍ଦେଶ୍ୟରେ ପ୍ରୟାସ କରି ଶିବିର ମାଧ୍ୟମରେ ସଚେତନତା ସୃଷ୍ଟି କରାଯାଉଛି। ସେହିଭଳି କଳାହାଣ୍ଡି ଜିଲ୍ଲା ଥୁଆମୁଳ ରାମପୁର ବ୍ଳକ କାଣିଗୁମା ଗ୍ରାମ ପଞ୍ଚାୟତ ଅନ୍ତର୍ଗତ ତରାଗାଁଠାରେ ମଧ୍ୟ ଦିନିକିଆ ପୋଲିସ ଜନସମ୍ପର୍କ ଶିବିର ଥୁଆମୁଳ ରାମପୁର ଥାନା ଅଧିକାରୀ କୈବଲ୍ୟ ସେଠଙ୍କ ତତ୍ତ୍ୱାବଧାନ ଆୟୋଜିତ ହୋଇଯାଇଛି। ଏହି ଶିବିରରେ ଜିଲା ରିଜର୍ଭ ପୋଲିସ ଇନ୍ସପେକ୍ଟର ସୁରେଶ କୁମାର ବଳିୟାର ସିଂ, ଜିଲା ପୋଲିସ ଇନ୍ସପେକ୍ଟର ଶତୃଘ୍ନ ବାଜପେୟୀ, ଏସଆଇ ପ୍ରହଲ୍ଲାଦ ପାଣିଗ୍ରାହୀ, କାଣିଗୁମା ସରପଞ୍ଚ ଧ୍ରୃବଚରଣ ମାଝୀ ଓ ତରାଗାଁ ଓ୍ବାର୍ଡମେମ୍ବର ପ୍ରମୁଖ ଯୋଗଦେଇ ଥିବାବେଳେ ଅନ୍ୟାନ୍ୟ ପୋଲିସ କର୍ମଚାରୀଙ୍କ ମଧ୍ୟରେ ଥୁଆମୁଳ ରାମପୁର ପୋଲିସ କନଷ୍ଟେବଳ ଶିବଶଙ୍କର ମାଝୀଙ୍କ ସମେତ ଜିଲା ରିଜର୍ଭ ପୋଲିସର ହୋମ ଗାର୍ଡ, କନେଷ୍ଟବଳ ଅଧିକାରୀ ରବିନ୍ଦ୍ର ନାଏକ ଯୋଗଦେଇଥିଲେ। ଶିବିରରେ ଆଖପାଖ ଅଞ୍ଚଳରୁ ୫୦୦ ଉଦ୍ଧର୍ବ ଜନସାଧାରଣ ଉପସ୍ଥିତ ରହିଥିଲେ। ଏହି ଶିବିରରେ ପୋଲିସ ପକ୍ଷରୁ ବୃଦ୍ଧ, ବୃଦ୍ଧା ଓ ମହିଳା ମାନଙ୍କୁ କମ୍ବଳ, ଶାଲ, ଶାଢୀ, ଟର୍ଚ୍ଚ ପ୍ରଭୃତି ବଣ୍ଟନ କରିଥିବା ବେଳେ ଗ୍ରାମ ପାଇଁ ମାଇକସେଟ ଓ ଛାତ୍ରଛାତ୍ରୀ ମାନଙ୍କୁ ଖାତା, ପେନ, ପେନସିଲ, ପାଣି ବୋତଲ, କମ୍ପାସ, କପ, ଭଲିବଲ, ନେଟ, ଟି ଶର୍ଟ ପ୍ରଭୃତି ବଣ୍ଟନ କରି ଜନସାଧାରଣଙ୍କୁ ଉତ୍ସାହିତ କରିଥିଲେ। ଶିବିରରେ ଉପସ୍ଥିତ ପୋଲିସ ଅଧିକାରୀ ମାନେ ଜନସାଧାରଣ ଓ ପୋଲିସ ମଧ୍ୟରେ କେଉଁ ଭଳି ଭାବରେ ସୁସମ୍ପର୍କ ରଖାଯାଇ ପାରିବ ସେଇନେଇ ଉପସ୍ଥିତ ଜନସାଧାରଣଙ୍କୁ ତାଙ୍କ ବକ୍୍ଯଯଯରେ ପୁଙ୍ଖାନୁପୁଙ୍ଖ ଭାବରେ ଅବଗତ କରାଇଥିଲେ।