ଧର୍ମଶାଳା, ୨୩।୨(ଶିବ ପ୍ରସାଦ ମହାନ୍ତି): ଯାଜପୁର ଜିଲା ଧର୍ମଶାଳା ଥାନା ଅନ୍ତର୍ଗତ ଗଙ୍ଗାଧରପୁର ପଞ୍ଚାୟତର ପଲାର ଗ୍ରାମର ଏସ୍ଏଚ୍ଜି ମହିଳା ସଂଘ ପକ୍ଷରୁ ବେଆଇନ ଚୋରା ଦେଶୀ ଓ ବିଦେଶୀ ମଦ ବିକ୍ରି ବିରୋଧରେ ଦାବିପତ୍ର ପ୍ରଦାନ କରାଯାଇଛି। ଗଙ୍ଗାଧରପୁର (ନକପୋଲ) ଗ୍ରାମରେ ଚୋରା ବିଦେଶୀ ମଦ ଓ ପଲାର ଗ୍ରାମରେ ଦେଶୀ ହାଣ୍ଡିଆ, ଲସି, ଗଞ୍ଜେଇ ଏବଂ ଦୁଗ୍ଧ ଚୋରାରେ ବିକ୍ରୟ ହେଉଥିବାକୁ ଏହାର ବିରୋଧ କରି ଧର୍ମଶାଳା ଅବକାରୀ ବିଭାଗକୁ ଏସ୍ଏଚ୍ଜି ମହିଳା ସଂଘ ଦାବିପତ୍ର ପ୍ରଦାନ କରିଛନ୍ତି। ଆଜି ଶତାଧିକ ଏସ୍ଏଚ୍ଜି ମହିଳାମାନେ ପଲାର ଗ୍ରାମ ନିକଟରୁ ଏକ ରାଲିରେ ବାହାରି ମଦ ବନ୍ଦର ନାରା ଦେଇ ଜାରକାସ୍ଥିତ ଅବକାରୀ କାର୍ଯ୍ୟାଳୟରେ ପହଞ୍ଚିଥିଲେ। ସେମାନଙ୍କ ଗ୍ରାମର ନାବାଳକ ଓ ଯୁବକ ସମସ୍ତେ ମଦ୍ୟପାନ କରି ବିଭିନ୍ନ ପ୍ରକାରର ଅପ୍ରତିକାର ପରିସ୍ଥିତି ସୃଷ୍ଟି କରୁଥିବା ଜଣାଇଥିଲେ।