କାଠମାଣ୍ଡୁ,୧୦ା୯: ବିକ୍ଷୋଭକାରୀମାନେ ଏକ ନେପାଳୀ ମିଡିଆ ହାଉସ୍ରେ ନିଆଁ ଲଗାଇ ଦେଇଥିଲେ। ବୁଧବାର ମଧ୍ୟ ବିଲ୍ଡିଂରୁ ଧୂଆଁ ଉଠିଥିବା ଦେଖିବାକୁ ମିଳିଛି। ଭୟଙ୍କର ଉତ୍ତେଜନା ପରେ କାଠମାଣ୍ଡୁରେ ଶାନ୍ତି ପ୍ରତିଷ୍ଠା ହୋଇଛି। ବହୁତ କମ ଲୋକ ଘରୁ ବାହାରକୁ ଆସିଥିଲେ।
ନେପାଳର ରାଜନୈତିକ ପରିସ୍ଥିତି ଉପରେ ନେପାଳର ପୂର୍ବତନ ପ୍ରଧାନମନ୍ତ୍ରୀ ଡକ୍ଟର କେ.ଆଇ. ସିଂହଙ୍କ ନାତି ଯଶବନ୍ତ ଶାହ କହିଛନ୍ତି, ସେପ୍ଟେମ୍ବର ୮ରେ ରାଜଧାନୀରେ ଏକ ଶାନ୍ତିପୂର୍ଣ୍ଣ ପ୍ରତିବାଦ ଆୟୋଜନ କରାଯାଇଥିଲା। ଏଥିରେ କୌଣସି ରାଜନୈତିକ ଦଳ ସାମିଲ ନ ଥିଲେ। ଏହାକୁ ‘ଷ୍ଟୁଡେଣ୍ଟ୍ସ ଫର୍ ଜଷ୍ଟିସ’ ନାମକ ଏକ ଛାତ୍ର ସଂଗଠନ ଡାକରା ଦେଇଥିଲା। ଏହି ପ୍ରତିବାଦରେ ପ୍ରାୟ ୧୨୦୦୦ ଲୋକ ଏକାଠି ହୋଇଥିଲେ। ପ୍ରତିବାଦ ଏବଂ ପ୍ରତିବାଦକାରୀଙ୍କୁ ରୋକିବା ପାଇଁ ପୋଲିସ ବଳ ପ୍ରୟୋଗ କରିଥିଲା। ପୋଲିସ ପ୍ରତିବାଦକାରୀଙ୍କ ଉପରେ ଗୁଳି ଚଳାଇବା ଆରମ୍ଭ କରିଥିଲା।