ଅମୃତସର: ବଲିଉଡରୁ ହଲିଉଡ ପର୍ଯ୍ୟନ୍ତ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଥିବା ଅଭିନେତ୍ରୀ ପ୍ରିୟଙ୍କା ଚୋପ୍ରା ଏବେ ଭାରତ ଗସ୍ତରେ ଅଛନ୍ତି। ନିକଟରେ ସେ ଅମୃତସରର ପବିତ୍ର ସ୍ବର୍ଣ୍ଣ ମନ୍ଦିର (Golden Temple) ପରିଦର୍ଶନ କରିବା ସହ ସେଠାରେ ସେବା କାର୍ଯ୍ୟରେ ନିଜକୁ ନିୟୋଜିତ କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି।
ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓରେ ପ୍ରିୟଙ୍କା ଏକ ସାଧାରଣ ଗୋଲାପି ରଙ୍ଗର ସୁଟ ପିନ୍ଧି ଏବଂ ମୁଣ୍ଡରେ ଓଢ଼ଣି ଦେଇ ମନ୍ଦିର ପରିସରରେ ବାସନ ମାଜୁଥିବାର ଦେଖିବାକୁ ମିଳିଛି। ଶିଖ୍ ପରମ୍ପରାରେ ‘ସେବା’ର ବିଶେଷ ଗୁରୁତ୍ୱ ରହିଛି, ଯେଉଁଠାରେ ପ୍ରତିଟି ବ୍ୟକ୍ତି ବିନା କୌଣସି ଭେଦଭାବରେ ଯୋଗଦାନ ଦିଅନ୍ତି। ପ୍ରିୟଙ୍କାଙ୍କର ଏହି ସାଧାରଣ ରୂପ ପ୍ରଶଂସକଙ୍କୁ ବେଶ ପସନ୍ଦ ଆସିଛି। ମହାବୀର ଜୟନ୍ତୀ ଅବସରରେ ସେ ଏହି ସେବା କରିଥିବାରୁ ଏହାର ଧାର୍ମିକ ଗୁରୁତ୍ୱ ଆହୁରି ବଢ଼ିଯାଇଛି।
ପ୍ରିୟଙ୍କାଙ୍କର ଏହି ଗସ୍ତକୁ ତାଙ୍କର ଆଗାମୀ ବଡ଼ ପ୍ରୋଜେକ୍ଟ ‘ବାରାଣସୀ’ସହ ଯୋଡ଼ି ଦେଖାଯାଉଛି। ରିପୋର୍ଟ ଅନୁସାରେ, ଏହି ଚଳଚ୍ଚିତ୍ରର ନିର୍ଦ୍ଦେଶନା ଭାର ଏସ.ଏସ. ରାଜାମୌଲିସମ୍ଭାଳିଛନ୍ତି। ଏହି ଫିଲ୍ମରେ ପ୍ରିୟଙ୍କାଙ୍କ ସହ ସାଉଥ ସୁପରଷ୍ଟାର୍ ମହେଶ ବାବୁଏବଂ ପୃଥ୍ବୀରାଜ ସୁକୁମାରନ ମଧ୍ୟ ନଜର ଆସିବେ। ପ୍ରିୟଙ୍କା ଏଥିରେ ’ମନ୍ଦାକିନୀ’ ଚରିତ୍ରରେ ଅଭିନୟ କରୁଛନ୍ତି, ଯାହା ମାଧ୍ୟମରେ ସେ ଦୀର୍ଘ ସମୟ ପରେ ଭାରତୀୟ ସିନେମାକୁ ଫେରୁଛନ୍ତି।
ଫିଲ୍ମ ’ବାରାଣସୀ’ର ଟିଜର୍ ଏବେ ଇଣ୍ଟରନେଟରେ ହଇଚଇ ସୃଷ୍ଟି କରିଛି। ଟିଜ୍ରରୁ ଜଣାପଡ଼ୁଛି ଯେ ଏହି କାହାଣୀ ଏକ ବଡ଼ ଧରଣର ବିପତ୍ତି ଉପରେ ଆଧାରିତ, ଯେଉଁଥିରେ ’ସାମ୍ଭବୀ’ ନାମକ ଏକ ଗ୍ରହାଣୁ (Asteroid) ପୃଥିବୀ ସହିତ ଧକ୍କା ହେବାର ଦୃଶ୍ୟ ରହିଛି।
ଟିଜର୍ ଶେଷରେ ମହେଶ ବାବୁ ବଳଦ ଉପରେ ବସି ହାତରେ ତ୍ରିଶୂଳ ଧରିଥିବାର ଏକ ଦମଦାର ଲୁକ ଦେଖିବାକୁ ମିଳିଛି। ଏହି ମେଗା ବଜେଟ ଫିଲ୍ମ ୭ ଏପ୍ରିଲ ୨୦୨୭ରେ ପ୍ରେକ୍ଷାଳୟରେ ମୁକ୍ତିଲାଭ କରିବ।