ନୂଆଦିଲ୍ଲୀ,୮।୧: ଅଯୋଧ୍ୟାରେ ରାମ ମନ୍ଦିରର ଉଦଘାଟନ ପାଇଁ ପ୍ରସ୍ତୁତି ଦ୍ରୁତ ଗତିରେ ଚାଲିଛି। ଜାନୁଆରୀ ୨୨ରେ ରାମ ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମ ଅନୁଷ୍ଠିତ ହେବାକୁ ଯାଉଛି। ଏଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ଅନେକ ପ୍ରସିଦ୍ଧ ବ୍ୟକ୍ତିତ୍ୱ ସାମିଲ ହେବେ। ଏହି ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ସୋସିଆଲ ମିଡିଆ ଆକାଉଣ୍ଟ ଏକରେ ଭଗବାନ ଶ୍ରୀ ରାମଙ୍କ ଏକ ଅତି ସୁନ୍ଦର ଭଜନ ଶେୟାର କରିଛନ୍ତି। ଏହି ଭଜନ ଶେୟାର କରି ପ୍ରଧାନମନ୍ତ୍ରୀ ଲେଖିଛନ୍ତି, ଆଜି ଅଯୋଧ୍ୟା ସହ ଭଗବାନ ଶ୍ରୀ ରାମଙ୍କୁ ସ୍ବାଗତ କରିବା ପାଇଁ ଦେଶର ସବୁଆଡେ ଶୁଭ ଗୀତ ଗାନ କରାଯାଉଛି। ଏହି ଶୁଭ ଅବସରରେ, ଆପଣ ରାମ ଲଲାଙ୍କ ପ୍ରତି ଭକ୍ତିରେ ପରିପୂର୍ଣ୍ଣ ବିକାଶ ଜୀ ଏବଂ ମହେଶ କୁକ୍ରେଜା ଜୀଙ୍କ ରାମ ଭଜନଙ୍କୁ ମଧ୍ୟ ଶୁଣନ୍ତୁ।
ଏହାପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ବସ୍ତି ମେହୁଲା, ଜୁବିନ ନୌଟିଆଲ, ପାୟଲ ଦେବ, ମନୋଜଙ୍କ ସମେତ ଅନେକ ଗାୟକଙ୍କ ଭଜନ ଶେୟାର କରିଥିଲେ।