ନୂଆଦିଲ୍ଲୀ,୧୮।୮: ଭାରତୀୟ ସେନା ଅପରେଶନ ସିନ୍ଦୂର ସମୟରେ ୯ଟି ଆତଙ୍କବାଦୀ ଆଡ୍ଡାକୁ ଟାର୍ଗେଟ କରିଥିଲା। ଏହି ସମୟରେ ଶହେରୁ ଅଧିକ ଆତଙ୍କବାଦୀ ନିହତ ହୋଇଥିଲେ। ଏହି ଅପରେଶନ ବିଷୟରେ ଏକ ବଡ଼ ଖୁଲାସା ହୋଇଛି। ଅପରେଶନ ସିନ୍ଦୂର ସମୟରେ ପାକିସ୍ତାନୀ ନୌସେନା ଏହାର ଯୁଦ୍ଧଜାହାଜକୁ ଲୁଚାଇ ରଖିଥିଲା। ସେମାନେ ଭାରତୀୟ ମିଶାଇଲ୍କୁ ଏତେ ଭୟଭୀତ ହୋଇଥିଲେ ଯେ, ସେମାନଙ୍କୁ ଇରାନ ସୀମା ନିକଟରେ ଆଶ୍ରୟ ନେବାକୁ ପଡିଲା। ଏହି ସମ୍ପର୍କରେ ସାଟେଲାଇଟ ଚିତ୍ର ମଧ୍ୟ ସାମ୍ନାକୁ ଆସିଛି।
ଆମେରିକୀୟ ମହାକାଶ ପ୍ରଯୁକ୍ତି କମ୍ପାନୀ ମ୍ୟାକ୍ସାର ଅପରେଶନ ସିନ୍ଦୂର ସମୟରେ ଏକ ଫଟୋ ଜାରି କରିଛି। ଏହା ପ୍ରକାଶ ପାଇଛି, ପାକିସ୍ତାନୀ ନୌସେନା କରାଚିର ନୌସେନା ଗୋଦାମରୁ ଏହାର ଯୁଦ୍ଧଜାହାଜକୁ ହଟାଇ ବାଣିଜି୍ୟକ ଟର୍ମିନାଲକୁ ସ୍ଥାନାନ୍ତର କରିଥିଲା। ପାକ ନୌସେନା ଯୁଦ୍ଧଜାହାଜଗୁଡ଼ିକୁ ଇରାନ ସୀମା ନିକଟରେ ଥିବା ପଶ୍ଚିମ ଗ୍ବାଦର ବନ୍ଦରକୁ ସ୍ଥାନାନ୍ତର କରିଥିଲା। ସୀମା ଏଠାରୁ ମାତ୍ର ୧୦୦ କିଲୋମିଟର ଦୂରରେ।
ଭାରତୀୟ ସେନା ୬ ଏବଂ ୭ ମେ ରାତିରେ ପାକିସ୍ତାନ ଏବଂ ପାକ ଅଧିକୃତ କଶ୍ମୀରରେ ଅବସ୍ଥିତ ଆତଙ୍କବାଦୀ ଆଡ୍ଡା ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା। ଏହା ପରେ, ପାକ ସେନା ଭାରତୀୟ ସହରଗୁଡ଼ିକୁ ଟାର୍ଗେଟ କରିବାକୁ ଚେଷ୍ଟା କରିଥିଲା, କିନ୍ତୁ ଏହା ସଫଳ ହୋଇପାରିଲା ନାହିଁ। ସେହି ସମୟରେ, ଭାରତୀୟ ସେନା ପୁଣି ଥରେ ପ୍ରତିଶୋଧ ନେଇଥିଲା। ଏହି ସମୟରେ ପାକିସ୍ତାନ ଆତଙ୍କିତ ଥିଲା। ଭୟରେ ସେ ନୌସେନାର ଯୁଦ୍ଧଜାହାଜଗୁଡ଼ିକୁ ଲୁଚାଇ ରଖିଥିଲା।
ପାକିସ୍ତାନ ଭାରତ ବିପକ୍ଷରେ ଆଣ୍ଠୁମାଡ଼ି ବସିଥିଲା, ଶେଷରେ ଯୁଦ୍ଧବିରତି ପାଇଁ ନିବେଦନ କରିଥିଲା। ସାମରିକ ବିଶେଷଜ୍ଞମାନେ ବିଶ୍ୱାସ କରନ୍ତି, ସାଟେଲାଇଟ ଚିତ୍ର ଦର୍ଶାଉଛି ଯେ, ପାକିସ୍ତାନର ସାମରିକ ପ୍ରସ୍ତୁତିରେ ବହୁତ ଅଭାବ ଥିଲା। ଏହା ପାକିସ୍ତାନର ପରାଜୟକୁ ଦର୍ଶାଉଛି, ଏହାକୁ ଇରାନ ସୀମା ନିକଟରେ ଆଶ୍ରୟ ନେବାକୁ ପଡିଥିଲା।
ଅପରେଶନ ସିନ୍ଦୂର ପରେ ମଧ୍ୟ ଆତଙ୍କବାଦୀମାନେ ଅନେକ ଥର ଅନୁପ୍ରବେଶ କରିବାକୁ ଚେଷ୍ଟା କରିଥିଲେ, କିନ୍ତୁ ଭାରତୀୟ ସେନା ସେମାନଙ୍କ ପ୍ରୟାସକୁ ବିଫଳ କରିଥିଲା ।