ନୂଆଦିଲ୍ଲୀ,୨୮।୨: ପାକିସ୍ତାନ କ୍ରିକେଟ ଦଳ ପାଇଁ ଟି-୨୦ ବିଶ୍ୱକପ ୨୦୨୬ର ଯାତ୍ରା ଶେଷ ହୋଇଛି। ସୁପର-୮ ର ନିଜର ଶେଷ ମ୍ୟାଚ୍ରେ ଶ୍ରୀଲଙ୍କା ବିପକ୍ଷରେ ୫ ରନ୍ରେ ବିଜୟୀ ହୋଇଥିଲେ ମଧ୍ୟ ପାକିସ୍ତାନ ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିବାରେ ବିଫଳ ହୋଇଛି। ଏହି ପରାଜୟ ପରେ ପାକିସ୍ତାନ ଟୁର୍ନାମେଣ୍ଟରୁ ବାଦ ପଡ଼ିଛି। ଫଳରେ ଗ୍ରୁପ-୨ରୁ ନ୍ୟୁଜିଲାଣ୍ଡ ଦ୍ୱିତୀୟ ଦଳ ଭାବେ ସେମିଫାଇନାଲରେ ପ୍ରବେଶ କରିଛି।
ତେବେ ପାକିସ୍ତାନକୁ ସେମିଫାଇନାଲକୁ ଯିବା ପାଇଁ ଅତିକମରେ ୬୫ ରନ ବ୍ୟବଧାନରେ ବିଜୟୀ ହେବାର ଆବଶ୍ୟକତା ଥିଲା। ପ୍ରଥମେ ବ୍ୟାଟିଂ କରି ସଲମାନ ଆଗାଙ୍କ ନେତୃତ୍ୱାଧୀନ ପାକିସ୍ତାନ ଦଳ ୨୦ ଓଭରରେ ୮ ଉଇକେଟ ହରାଇ ୨୧୨ ରନ୍ର ଏକ ବିଶାଳ ସ୍କୋର ଛିଡ଼ା କରିଥିଲା। ଜବାବରେ ନ୍ୟୁଜିଲାଣ୍ଡର ନେଟ ରନ-ରେଟ୍କୁ ପଛରେ ପକାଇବା ପାଇଁ ପାକିସ୍ତାନକୁ ଶ୍ରୀଲଙ୍କା ଦଳକୁ ୧୪୭ ରନ ମଧ୍ୟରେ ଅଟକାଇବାର ଥିଲା। କିନ୍ତୁ ଶ୍ରୀଲଙ୍କା ବ୍ୟାଟରମାନେ ଚମତ୍କାର ପ୍ରଦର୍ଶନ କରି ଏହି ଲକ୍ଷ୍ୟ ପାର କରିଯାଇଥିଲେ, ଯାହାଫଳରେ ପାକିସ୍ତାନର ସେମିଫାଇନାଲ ଆଶା ମଉଳି ଯାଇଛି।
Dharitri – Odisha’s No.1 Odia Daily