ଶ୍ରୀନଗର,୨୪।୪: ପହଲଗାମ ଆତଙ୍କବାଦୀ ଆକ୍ରମଣରେ ପ୍ରାଣ ହରାଇଥିବା ଲୋକଙ୍କ ପରିବାର ଏବଂ ଅଳ୍ପକେ ରକ୍ଷା ପାଇଥିବା ଲୋକଙ୍କ ଦୁଃଖର କାହାଣୀ ବିଶ୍ୱକୁ ଶୁଣାଉଛନ୍ତି। ଏହି Terror Attackରେ ଗୁଜରାଟର ବାସିନ୍ଦା ଶୈଳେଶ କାଲଥିଆ ମଧ୍ୟ ପ୍ରାଣ ହରାଇଥିଲେ। Attack ସମୟରେ ତାଙ୍କ ପୁଅ ନକ୍ଷ କାଲଥିଆ ମଧ୍ୟ ତାଙ୍କ ବାପାଙ୍କ ସହିତ ବୈସାରଣ ଘାଟିରେ ଉପସ୍ଥିତ ଥିଲେ।
‘ଜମ୍ମୁ ଏବଂ କଶ୍ମୀରର ପହଲଗାମର ‘ମିନି ସୱିଜରଲ୍ୟାଣ୍ଡ’ ପଏଣ୍ଟରେ ଥିଲୁ। ଆମେ ଗୁଳି ଫୁଟିବାର ଶବ୍ଦ ଶୁଣିଲୁ। ଆତଙ୍କବାଦୀମାନେ ଅଞ୍ଚଳରେ ପ୍ରବେଶ କରିଥିବା ଜାଣିବା ମାତ୍ରେ ଆମେ ଲୁଚି ରହିଲୁ। କିନ୍ତୁ, ସେମାନେ ଆମକୁ ପାଇଗଲେ। ଆମେ ଦୁଇଜଣ ଆତଙ୍କବାଦୀଙ୍କୁ ଦେଖିଲୁ,’ ନକ୍ଷ ନ୍ୟୁଜ ଏଜେନ୍ସି ANIକୁ ଏହା କହିଛନ୍ତି।
ସେ ଆହୁରି କହିଛନ୍ତି, ‘ମୁଁ ଶୁଣିଲି ଯେ ସେମାନଙ୍କ ମଧ୍ୟରୁ ଜଣେ ସମସ୍ତ ଲୋକଙ୍କୁ ମୁସଲମାନ ଏବଂ ହିନ୍ଦୁରେ ଅଲଗା ହେବାକୁ ନିର୍ଦ୍ଦେଶ ଦେଇଥିଲେ ଏବଂ ତା’ପରେ ସମସ୍ତ ହିନ୍ଦୁ ପୁରୁଷଙ୍କୁ ଗୁଳି କରିଥିଲେ। ଆତଙ୍କବାଦୀମାନେ ପୁରୁଷମାନଙ୍କୁ ତିନିଥର ‘କଲମା’ ପାଠ କରିବାକୁ କହିଥିଲେ, ଯେଉଁମାନେ ଏହାକୁ ପାଠ କରିପାରୁ ନଥିଲେ ସେମାନଙ୍କୁ ଗୁଳି କରାଯାଇଥିଲା।’
ନକ୍ଷ ଆହୁରି କହିଛନ୍ତି ଯେ ଯେତେବେଳେ ଆତଙ୍କବାଦୀମାନେ ଚାଲିଗଲେ, ସ୍ଥାନୀୟ ଲୋକମାନେ ଆସି କହିଲେ ଯେ ଯେଉଁମାନେ ବଞ୍ଚିଯାଇଛନ୍ତି ସେମାନେ ତୁରନ୍ତ ତଳକୁ ଆସିଯାଆନ୍ତୁ। ଆମେ ପଏଣ୍ଟରୁ ଓହ୍ଲାଇବାର ଗୋଟିଏ ଘଣ୍ଟା ପରେ ସେନା ଆସିଲା। ଆତଙ୍କବାଦୀମାନେ ତାଙ୍କୁ (ମୋ ବାପାଙ୍କୁ) କହିବାକୁ ଦେଉ ନଥିଲେ। ସେ (ମୋ ମାଆଙ୍କୁ) କିଛି କହିଲେ ନାହିଁ। ଆତଙ୍କବାଦୀମାନଙ୍କ ମଧ୍ୟରୁ ଜଣେ ଗୋରା ଥିଲା ଏବଂ ତାଙ୍କର ଦାଢ଼ି ଥିଲା। ତାଙ୍କ ମୁଣ୍ଡରେ ଏକ କ୍ୟାମେରା ବନ୍ଧା ହୋଇଥିଲା। ସେମାନେ ମହିଳା ଏବଂ ପିଲାମାନଙ୍କୁ ଛାଡି ଦେଉଥିଲେ।