ଭୁବନେଶ୍ୱର,,୨୧।୬(ଅନୁରାଧା ମହାରଣା): ଇନିସିଆଲ ପବ୍ଲିକ ଅଫର (ଆଇପିଓ) ଆରମ୍ଭ କରିବା ପାଇଁ ଓଲା ଇଲେକ୍ଟ୍ରିକ ସିକ୍ୟୁରିଟି ଏକ୍ସଚେଞ୍ଜ ବୋର୍ଡ ଅଫ୍ ଇଣ୍ଡିଆ (ସେବି)ରୁ ଅନୁମୋଦନ ଲାଭ କରିଛି। ଓଲା ଭାରତର ସର୍ବବୃହତ୍ ବୈଦ୍ୟୁତିକ ଦୁଇଚକିଆ ଉତ୍ପାଦନକାରୀ ସଂସ୍ଥା ହୋଇଥିବାବେଳେ ବେଙ୍ଗାଲୁରୁସ୍ଥିତ କମ୍ପାନୀ ଆଇପିଓ ପାଇଁ ରେଡ୍ ହେରିଙ୍ଗ ପ୍ରୋସ୍ପେକ୍ଟସ (ଡିଆର୍ଏଚ୍ପି) ଡ୍ରାଫ୍ଟ ୨୦୨୩ ଡିସେମ୍ବର ୨୨ରେ ସେବିରେ ଦାଖଲ କରିଥିଲେ।
ଏହାସହ ସେବି ଆଇପିଓ ଲଞ୍ଚ କରିବା ପାଇଁ ଏମ୍କ୍ୟୋର ଫାର୍ମାସ୍ୟୁଟିକାଲ୍ସକୁ ମଧ୍ୟ ଅନୁମତି ଦେଇଛି। ଆଇପିଓ ଆଣିବା ପାଇଁ କମ୍ପାନୀ ଗତ ସପ୍ତାହରେ ଡିଆର୍ଏଚ୍ପି ଦାଖଲ କରିଥିଲା। ଡିଆର୍ଏଚ୍ପି ଅନୁଯାୟୀ, ଓଲା ଇଲେକ୍ଟ୍ରିକ ବିକ୍ରୟ ପାଇଁ ଅଫର ମାଧ୍ୟମରେ ୯.୫୨ ମିଲିୟନ ଶେୟାର ବିକ୍ରୟ କରିବାକୁ ଏବଂ ନୂତନ ଶେୟାର ପ୍ରଦାନ କରି ୫,୫୦୦ କୋଟି ଟଙ୍କା ସଂଗ୍ରହ କରିବାକୁ ପ୍ରସ୍ତାବ ଦେଇଥିଲା। ଏହି କ୍ରମରେ କମ୍ପାନୀ ପ୍ରତିଷ୍ଠାତା ଭବଶ ଅଗ୍ରୱାଲ କେବଳ ୪.୭୩ କୋଟି ଶେୟାର ବିକ୍ରି କରିବାକୁ ଯାଉଛନ୍ତି। ଏମ୍କ୍ୟୋର୍ ଫାର୍ମାସ୍ୟୁଟିକାଲ୍ସ ୮୦୦ କୋଟି ଟଙ୍କା ମୂଲ୍ୟର ନୂତନ ଇକ୍ୱିଟି ଶେୟାର ପ୍ରଦାନ କରିବ ଏବଂ କମ୍ପାନୀର ନିବେଶକମାନେ ଓଏଫ୍ଏସ୍ ମାଧ୍ୟମରେ ୧.୩୬ କୋଟି ଇକ୍ୱିଟି ଶେୟାର ବିକ୍ରି କରିବେ।