ନୂଆଦିଲ୍ଲୀ,୨।୨: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ରବିବାର ଲୋକସଭାରେ ତାଙ୍କର ଲଗାତାର ନବମ ବଜେଟ ଉପସ୍ଥାପନ କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୀତାରମଣଙ୍କ ପ୍ରାୟ ୮୫ ମିନିଟର ବଜେଟ ଭାଷଣକୁ ‘ଐତିହାସିକ ଏବଂ ଭବିଷ୍ୟତମୁଖୀ’ ବୋଲି ବର୍ଣ୍ଣନା କରିଛନ୍ତି। ଭାଷଣ ଗୁରୁ ରବିଦାସଙ୍କ ପ୍ରତି ଶ୍ରଦ୍ଧାଞ୍ଜଳି ଏବଂ ମାଘ ପୂର୍ଣ୍ଣିମାର ଉଲ୍ଲେଖ ସହିତ ଆରମ୍ଭ ହୋଇଥିଲା। ତଥାପି, ଅର୍ଥମନ୍ତ୍ରୀଙ୍କ ବଜେଟ ଭାଷଣରେ ତାମିଲ କବି ତିରୁଭଲ୍ଲୁର ଏବଂ କନ୍ନଡ ସନ୍ଥ ବାସଭାନ୍ନାଙ୍କ ବିଷୟରେ କୌଣସି କବିତା କିମ୍ବା କବିଙ୍କର ଉଲ୍ଲେଖ ନଥିଲା, ଯାହା ତାଙ୍କ ପୂର୍ବ ବଜେଟ ଭାଷଣରେ ଉଲ୍ଲେଖ କରାଯାଇଛି। ଏଥର ଅର୍ଥମନ୍ତ୍ରୀଙ୍କ ଧ୍ୟାନ ନିବେଶ ଏବଂ ଅଭିବୃଦ୍ଧି ଉପରେ ଥିଲା।
ସୂଚନାଯୋ୍ୟ, ପ୍ରତିବର୍ଷ ବଜେଟରେ ଦେଶର ଧ୍ୟାନ କେବଳ ଆର୍ଥିକ ତଥ୍ୟ ଉପରେ ନୁହେଁ ବରଂ ଅର୍ଥମନ୍ତ୍ରୀ ନିର୍ମଳା ସୀତାରାମନ୍ଙ୍କ ଆଉ କିଛି ପାରମ୍ପରିକ ଶୈଳି ଉପରେ ରହିଥାଏ। ଯେମିତିକି ତାଙ୍କର ପାରମ୍ପରିକ ପୋଷାକ ଉପରେ କେତେକଙ୍କ ଧ୍ୟାନ ମଧ୍ୟ କେନ୍ଦ୍ରିତ ଥାଏ। ସେହିପରି ତାଙ୍କର କବି ବା କବିତାକୁ ନେଇ ମଧ୍ୟ ଖୁବ ଆଲୋଚନା ହୁଏ। ଏଥର କିନ୍ତୁ ଏଥିରେ ସାମାନ୍ୟ ବ୍ୟତିକ୍ରମ ଦେଖିବାକୁ ମିଳିଥିଲା।