ଓ୍ବାଶିଂଟନ,୧୮ା୬:ପାକିସ୍ତାନ ସେନାମୁଖ୍ୟ ଜେନେରାଲ ସୟେଦ ଅସିମ୍ ମୁନୀର ଆମେରିକା ଗସ୍ତରେ ଯାଇଥିବାବେଳେ ଓ୍ବାଶିଂଟନରେ ହଟହଟାର ସମ୍ମୁଖୀନ ହୋଇଛନ୍ତି। ସେ ରହୁଥିବା ହୋଟେଲ ନିକଟରେ ପାକିସ୍ତାନୀ ନାଗରିକ ଓ ମୂଳବାସିନ୍ଦାମାନେ ଏକାଠି ହୋଇ ବିକ୍ଷୋଭ ପ୍ରଦର୍ଶନ କରିଥିଲେ। ପାକିସ୍ତାନରେ ମୁକ୍ତ ଗଣତନ୍ତ୍ର ପୁନଃସ୍ଥାପନା ପାଇଁ ସେମାନେ ଆହ୍ବାନ ଦେଇଥିଲେ। ଲୋକେ ‘ଅସିମ ମୁନୀର ଭୀରୁ, ପାକିସ୍ତାନୀଙ୍କ ଗଣହତ୍ୟାକାରୀ’ କହିବା ସହ ଏକଚ୍ଛତ୍ରବାଦୀ ତୁମକୁ ନେଇ ଆମେ ଲଜ୍ଜିତ ବୋଲି କହିଥିଲେ। ଅଟକାଇବାକୁ ଚାହୁଁଥିବା ଅଧିକାରୀମାନଙ୍କ ସହ ବିକ୍ଷୋଭକାରୀଙ୍କର ଯୁକ୍ତି ହୋଇଥିଲା।