ମୁମ୍ବାଇ,୧୭।୮: : ମୁମ୍ବାଇ ପୋଲିସ ଏକ ଧମକ ଭରା ଇମେଲ ପାଇଛି, ଯେଉଁଥିରେ ଛତ୍ରପତି ଶିବାଜୀ ମହାରାଜ ଆନ୍ତର୍ଜାତୀୟ ବିମାନବନ୍ଦର ଓ ପ୍ରସିଦ୍ଧ ତାଜ ମହଲ ପ୍ୟାଲେସ ହୋଟେଲରେ ବୋମା ବିସ୍ଫୋରଣ କରାଯିବ ବୋଲି ଚେତାବନୀ ଦିଆଯାଇଛି। ଧମକ ଦେବା ଉଦ୍ଦେଶ୍ୟରେ କୁହାଯାଇଛି ଯେ ଭାରତ ସଂସଦ ଭବନ ଆକ୍ରମଣ ମାଷ୍ଟରମାଇଣ୍ଡ ଅଫଜଲ ଗୁରୁଙ୍କ ମୃତ୍ୟୁଦଣ୍ଡ ଅନ୍ୟାୟ ଥିଲା।
ସୂଚନାଯୋଗ୍ୟ, ଏହି ଇମେଲ ଗୁରୁବାର ସକାଳେ ମୁମ୍ବାଇ ବିମାନବନ୍ଦର ପୋଲିସ ଥାନାର ସରକାରୀ ଇମେଲ ID (viduthalai_puli_vellum@outlook.com) କୁ ଆସିଥିଲା।
ପୋଲିସ ତୁରନ୍ତ ଦୁଇଟି ଅତ୍ୟନ୍ତ ଗୁରୁତ୍ୱପୂର୍ଣ୍ଣ ସ୍ଥାନର ତଦନ୍ତ କରିଥିଲେ, ଯେଉଁଠାରେ କୌଣସି ସନ୍ଦେହଜନକ ବସ୍ତୁ ମିଳିନାହିଁ।
ଭାରତ-ପାକିସ୍ତାନ ମଧ୍ୟରେ ଉତ୍ତେଜନା ବଢ଼ିଥିବା ପରିପ୍ରେକ୍ଷିତିରେ ମୁମ୍ବାଇ ଉପରେ ପୂର୍ବରୁ ଏକ ସତର୍କତା ଜାରି ଥିଲା। ସୁରକ୍ଷା ଏଜେନ୍ସିମାନେ ସହରର ବିଭିନ୍ନ ସ୍ଥାନରେ ମକ ଡ୍ରିଲ ଚାଲାଇଥିଲେ।
ଏହାକୁ ନେଇ ପୋଲିସ ଏହି ଇମେଲ ଆକାଉଣ୍ଟ ବ୍ୟବହାରକାରୀ ବିରୋଧରେ ମାମଲା ରୁଜୁ କରିଛନ୍ତି ଓ ତାଙ୍କର ଡିଜିଟାଲ ଫୁଟ ପ୍ରିଣ୍ଟ ଟ୍ରାକ କରିବା ପ୍ରୟାସ ଆରମ୍ଭ କରିଛନ୍ତି।
ସୁରକ୍ଷା ବୃଦ୍ଧି ପାଇଁ ଏସଆର୍ପିଏଫ ଓ ଆନ୍ତର୍ଜାତୀୟ ଏଜେନ୍ସୀମାନେ ସହଯୋଗ କରୁଛନ୍ତି, ସମ୍ପୂର୍ଣ୍ଣ ସହରକୁ ଉଚ୍ଚ ଆଲର୍ଟ ମୋଡରେ ରଖାଯାଇଛି।