ନୂଆଦିଲ୍ଲୀ,୭।୮: ଆମେରିକା ଅତିରିକ୍ତ ୨୫ ପ୍ରତିଶତ ଶୁଳ୍କ ଲାଗୁ କରିବା ପରେ ଅଲ ଇଣ୍ଡିଆ ମଜଲିସ-ଏ-ଇତ୍ତେହାଦୁଲ ମୁସଲିମିନ (AIMIM)ର ରାଷ୍ଟ୍ରୀୟ ଅଧ୍ୟକ୍ଷ ଏବଂ ଲୋକସଭା ଏମ୍ପି ଅସଦୁଦ୍ଦିନ ଓଓ୍ବାଇସି କେନ୍ଦ୍ର ସରକାରଙ୍କୁ କଡ଼ା ଆକ୍ରମଣ କରିଛନ୍ତି। ସେ ଏକ୍ସରେ ପୋଷ୍ଟ କରି ଲେଖିଛନ୍ତି, ଟ୍ରମ୍ପ ଭାରତ ଉପରେ ଅତିରିକ୍ତ ୨୫ ପ୍ରତିଶତ ଟାରିଫ୍ ଲାଗୁ କରିଛନ୍ତି, ଏହାକୁ ୫୦% ପର୍ଯ୍ୟନ୍ତ ବୃଦ୍ଧି କରିଛନ୍ତି କାରଣ ଆମେ ରୁଷିଆରୁ ତେଲ କିଣିଛୁ। ଏହା କୂଟନୀତି ନୁହେଁ, ବରଂ ଏକ ବିଦ୍ୱାନଙ୍କ ଧମକ ଯିଏ ସ୍ପଷ୍ଟ ଭାବରେ ବୁଝିପାରୁନାହିଁ ଯେ ବିଶ୍ୱ ବାଣିଜ୍ୟ କିପରି କାମ କରେ।
ଓଓ୍ବାଇସି ଲେଖିଛନ୍ତି ଯେ, ଏହି ଟାରିଫ୍ ଭାରତୀୟ ରପ୍ତାନିକାରୀ, MSMI ଏବଂ ନିର୍ମାତାଙ୍କୁ କ୍ଷତି ପହଞ୍ଚାଇବ। ଏହା ଯୋଗାଣ ଶୃଙ୍ଖଳାକୁ ବାଧା ଦେବ, ବିଦେଶୀ ପ୍ରତ୍ୟକ୍ଷ ନିବେଶ (FDI) ବନ୍ଦ କରିବ ଏବଂ ଚାକିରି ଉପରେ ଏକ ବଡ଼ ପ୍ରଭାବ ପକାଇବ, କିନ୍ତୁ ନରେନ୍ଦ୍ର ମୋଦି ଏହାକୁ ନେଇ କେବେ ଚିନ୍ତା କରିବେ। ଭାଜପାର ଶକ୍ତିଶାଳୀ ବ୍ୟକ୍ତିମାନେ ଏବେ କେଉଁଠି ବୋଲି ସେ ପ୍ରଶ୍ନ କରିଛନ୍ତି। ଗତ ଥର ମୁଁ ପଚାରିଥିଲି ଯେ, ଟ୍ରମ୍ପ ୫୬ ପ୍ରତିଶତ ଶୁଳ୍କ ଲାଗୁ କଲେ ମୋଦି ଜୀ ତାଙ୍କର ୫୬ ଇଞ୍ଚ ଛାତି ଦେଖାଇବେ କି? ଟ୍ରମ୍ପ ୫୦%ରେ ଅଟକିଗଲେ। ହୁଏତ ସେ ଆମର ନନ୍ବାୟୋଜେିକାଲ ପ୍ରଧାନମନ୍ତ୍ରୀଙ୍କୁ ଭୟ କରୁଛନ୍ତି।
ସୂଚନାଯୋଗ୍ୟ, ଭାରତରୁ ଆମଦାନୀ ଉପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା ଘୋଷଣା କରାଯାଇଥିବା ୨୫ ପ୍ରତିଶତ ଟାରିଫ୍ର ପ୍ରଥମ ପର୍ଯ୍ୟାୟ ଆଜିଠାରୁ ଠାରୁ କାର୍ଯ୍ୟକାରୀ ହୋଇଛି। ଗତ ସପ୍ତାହରେ, ହ୍ବାଇଟ ହାଉସ ଘୋଷଣା କରିଥିଲା ଯେ, ଭାରତକୁ ୨୫ ପ୍ରତିଶତ ଟାରିଫ୍ ଦେବାକୁ ପଡିବ।