ନୂଆଦିଲ୍ଲୀ,୨୭।୧: ସାରା ଦେଶରେ ପ୍ରବଳ ଉତ୍ସାହର ସହିତ ୭୬ତମ ଗଣତନ୍ତ୍ର ଦିବସ ପାଳନ କରାଯାଇଥିଲା। କର୍ତ୍ତବ୍ୟ ପଥରେ ସମଗ୍ର ବିଶ୍ୱ ଭାରତର ସମୃଦ୍ଧ ସାଂସ୍କୃତିକ ଐତିହ୍ୟ ଏବଂ ସାମରିକ ଶକ୍ତିର ଏକ ଝଲକ ଦେଖିଲା। ବିଶ୍ୱର ସମସ୍ତ ନେତା ଦେଶର ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଅଭିନନ୍ଦନ ବାର୍ତ୍ତା ପଠାଇଥିଲେ। ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ ମଧ୍ୟ ପ୍ରଧାନମନ୍ତ୍ରୀ ମୋଦିଙ୍କୁ ଅଭିନନ୍ଦନ ଜଣାଇ କହିଛନ୍ତି ଯେ ଗତ ବର୍ଷ ମୁଁ ଏହି ମହାନ ମୁହୂର୍ତ୍ତର ସାକ୍ଷୀ ଥିଲି। ଏହି ସମୟରେ ସେ ଏକ ବାର୍ତ୍ତା ମଧ୍ୟ ଦେଇଥିଲେ, ଯାହାର ଜବାବରେ ପ୍ରଧାନମନ୍ତ୍ରୀ ମୋଦି କହିଥିଲେ ଠିକ ଅଛି ବା ଓକେ।
ରାଷ୍ଟ୍ରପତି ମାକ୍ରନ ପ୍ରଧାନମନ୍ତ୍ରୀ ମୋଦିଙ୍କ ସହ ୨୦୨୪ ଗଣତନ୍ତ୍ର ଦିବସର ଏକ ଫଟୋ ଶେୟାର କରି ଲେଖିଛନ୍ତି, ‘ଏହି ଗଣତନ୍ତ୍ର ଦିବସରେ ଭାରତବାସୀ ଏବଂ ମୋର ପ୍ରିୟ ବନ୍ଧୁଙ୍କୁ ମୋର ଶୁଭେଚ୍ଛା। ୨୦୨୪ରେ, ମୁଁ ବନ୍ଧୁତାର ସେହି ମହାନ ମୁହୂର୍ତ୍ତର ସୁଖଦ ସ୍ମୃତି ରଖିବି ଯାହା ମୁଁ ତାଙ୍କ ସହ ଶେୟାର କରିଥିଲି।
ଫ୍ରାନ୍ସ ରାଷ୍ଟ୍ରପତି କହିଛନ୍ତି ଯେ ସେ ଫ୍ରାନ୍ସରେ ଆକ୍ସନ ଫର ଆର୍ଟିଫିସିଆଲ ଇଣ୍ଟେଲିଜେନ୍ସ ଶିଖର ସମ୍ମିଳନୀରେ ଆପଣଙ୍କୁ ଭେଟିବାକୁ ଉତ୍ସୁକତାର ସହ ଅପେକ୍ଷା କରିଛନ୍ତି।
ମାକ୍ରନଙ୍କ ଅଭିନନ୍ଦନ ବିଷୟରେ ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ଭାରତର ୭୬ତମ ଗଣତନ୍ତ୍ର ଦିବସରେ ଆପଣଙ୍କର ଶୁଭେଚ୍ଛାକୁ ଅତ୍ୟନ୍ତ ପ୍ରଶଂସା କରାଯାଉଛି। ପ୍ରଧାନମନ୍ତ୍ରୀ ମୋଦି କହିଛନ୍ତି, ‘ପ୍ରିୟ ବନ୍ଧୁ, ରାଷ୍ଟ୍ରପତି ଇମାନୁଏଲ ମାକ୍ରନ, ଗତ ବର୍ଷ ଏହି ଦିନରେ ଆପଣଙ୍କର ସଦୟ ଉପସ୍ଥିତି ପ୍ରକୃତରେ ଆମର ରଣନୈତିକ ସହଭାଗୀତା ଏବଂ ସ୍ଥାୟୀ ବନ୍ଧୁତାର ଏକ ଭଲ ଉଦାହରଣ ଥିଲା।