ଓ୍ବାଶିଂଟନ,୧୩।୨: ବୁଧବାର (ଫେବୃଆରୀ ୧୨) ଫ୍ରାନ୍ସ ଗସ୍ତ ଶେଷ କରିବା ପରେ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆମେରିକାରେ ପହଞ୍ଚିଛନ୍ତି। ଡୋନାଲ୍ଡ ଟ୍ରମ୍ପ ଆମେରିକାର ରାଷ୍ଟ୍ରପତି ନିର୍ବାଚିତ ହେବା ପରେ ମୋଦି ପ୍ରଥମ ଥର ପାଇଁ ତାଙ୍କୁ ଭେଟିବାକୁ ଯାଉଛନ୍ତି। ୱାଶିଂଟନରେ ପହଞ୍ଚିବା ପରେ ପିଏମ ମୋଦି ଟୁଇଟରରେ ଟୁଇଟ କରି କହିଛନ୍ତି ଯେ ସେ କିଛି ସମୟ ପୂର୍ବରୁ ୱାଶିଂଟନ ଡିସିରେ ପହଞ୍ଚିଛନ୍ତି। ଏହି ସମୟରେ ମୁଁ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଭେଟିବି। ମୁଁ ଭାରତ-ଆମେରିକାର ବ୍ୟାପକ ବିଶ୍ୱସ୍ତରୀୟ ରଣନୀତିକ ଭାଗିଦାରୀକୁ ଆଗକୁ ନେବା ପାଇଁ କାର୍ଯ୍ୟ କରିବି। ଏଥିପାଇଁ ବହୁତ ଆଗ୍ରହୀ।
ବୈଦେଶିକ ମନ୍ତ୍ରଣାଳୟ ସୋସିଆଲ ମିଡିଆ ପ୍ଲାଟଫର୍ମ ଏକ୍ସ (ପୂର୍ବରୁ ଟୁଇଟର) ରେ ମୋଦିଙ୍କ ଏହି ଗସ୍ତ ବିଷୟରେ ସୂଚନା ଦେଇଥିଲା ଏବଂ ଏହାକୁ ଦୁଇ ଦେଶ ମଧ୍ୟରେ ସମ୍ପର୍କର ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ବର୍ଣ୍ଣନା କରିଥିଲା। ମନ୍ତ୍ରଣାଳୟ ଏହା ମଧ୍ୟ କହିଛି ଯେ ପ୍ରଧାନମନ୍ତ୍ରୀ ମୋଦି ଆମେରିକାର କ୍ୟାବିନେଟ ସଦସ୍ୟ ତଥା ବିଶିଷ୍ଟ ଶିଳ୍ପପତିମାନଙ୍କୁ ମଧ୍ୟ ଭେଟିବେ। ସୂଚନାଯୋଗ୍ୟ, ଯେତେବେଳେ ପିଏମ ମୋଦି ରାଷ୍ଟ୍ରପତି ଟ୍ରମ୍ପଙ୍କୁ ଭେଟିବେ, ସେତେବେଳେ ସେ ଆମେରିକାର ନୂତନ ରାଷ୍ଟ୍ରପତିଙ୍କୁ ଭେଟିବାରେ ତୃତୀୟ ବିଶ୍ୱ ନେତା ହେବେ। ଟ୍ରମ୍ପଙ୍କ ଶପଥ ଗ୍ରହଣର ମାତ୍ର ଏକ ମାସ ମଧ୍ୟରେ ଭାରତ-ଆମେରିକାର ବରିଷ୍ଠ ନେତାଙ୍କ ବୈଠକ ଦୁଇ ଦେଶ ମଧ୍ୟରେ ବଢୁଥିବା ସମ୍ପର୍କର ଗୁରୁତ୍ୱକୁ ଦର୍ଶାଉଛି।
ୱାଶିଂଟନ ଡିସିରେ ପହଞ୍ଚିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆମେରିକାର ଜାତୀୟ ଗୁପ୍ତଚର ନିର୍ଦ୍ଦେଶକ ତୁଲସୀ ଗାବାର୍ଡଙ୍କୁ ଭେଟିଥିଲେ।