**EDS: VIDEO GRAB** New Delhi: BJP MP and former chief of Wrestling Federation of India (WFI) Brij Bhushan Sharan Singh speaks with media after his associate Sanjay Singh became the new President of WFI, in New Delhi, Thursday, Dec. 21, 2023. (PTI Photo)(PTI12_21_2023_000281B)
ନୂଆଦିଲ୍ଲୀ,୨୪ା୧୨: ଭାଜପା ଏମପି ତଥା ଭାରତୀୟ କୁସ୍ତି ସଂଘର ପୂର୍ବତ୍ତନ ସଭାପତି ବ୍ରିଜଭୂଷଣ ଶରଣ ସିଂହ ରବିବାର ଏକ ସାମ୍ବାଦିକ ସମ୍ମିଳନୀ କରି ବିଭିନ୍ନ ପ୍ରଶ୍ନର ଉତ୍ତର ଦେଇଛନ୍ତି। ଏହି ସମୟରେ ଗଣ୍ଡାରେ କୁସ୍ତି ପ୍ରତିଯୋଗିତା କରିବା ନେଇ ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି ଯେ, ସମସ୍ତ ଫେଡେରେସନ ହାତ ଟେକି ଦେଇଥିଲେ। ତେଣୁ ୧୫ରୁ ୨୦ ବର୍ଷର ପିଲା ମାନଙ୍କ ଭବିଷ୍ୟତ ଯେପରି ନଷ୍ଟ ନ ହେବ, ଏଥିପାଇଁ ନନ୍ଦୀନି ନଗର ଠାରେ ଏହି ଟୁର୍ନାମେଣ୍ଟ ଆୟୋଜନ କରିବାକୁ ନିଷ୍ପତ୍ତି ନେଇଥିଲି।
ତେବେ ଏହାରି ମଧ୍ୟରେ ଏମପି ପଦରୁ ଇସ୍ତଫା ଦେଇଥିବା ରିପୋର୍ଟକୁ ମଧ୍ୟ ଅସ୍ୱୀକାର କରିଛନ୍ତି। ଯୌନ ନିର୍ଯାତନା ଅଭିଯୋଗରେ ଆଥଲେଟମାନେ ରାସ୍ତାରେ ଧାରଣା ଦେବା ପରେ ବ୍ରିଜ ଭୂଷଣ ଡବ୍ଲୁଏଫଆଇ ମୁଖ୍ୟ ପଦରୁ ଇସ୍ତଫା ଦେଇଥିଲେ। ଗତ ସପ୍ତାହରେ ଅନୁଷ୍ଠିତ ହୋଇଥିବା ନୂତନ ନିର୍ବାଚନରେ ତାଙ୍କ ସହଯୋଗୀ ସଞ୍ଜୟ ସିଂ ଏହି ପାଦ ପାଇଁ ନିର୍ବାଚିତ ହୋଇଥିଲେ।
ତେବେ ଏହି ନିର୍ବାଚିତ ଫଳାଫଳ ଆସିବା ପରେ କୁସ୍ତି ସାକ୍ଷୀ ମଲିକ୍ କ୍ରୀଡାରୁ ଅବସର ନେଇଥିବା ଘୋଷଣା କରିଥିଲେ ଏବଂ ବଜରଙ୍ଗ ପୁନିଆ ତାଙ୍କ ପଦ୍ମଶ୍ରୀଙ୍କୁ ଫେରାଇ ଦେଇଥିଲେ। ଏହି କ୍ରମରେ ବିବାଦ ବଢିବା ପରେ ରବିବାର କେନ୍ଦ୍ର କ୍ରୀଡା ମନ୍ତ୍ରାଳୟ ନବ ନିର୍ବାଚିତ ଭାରତୀୟ କୁସ୍ତି ସଂଘକୁ ନିଲମ୍ବନ କରିଛନ୍ତି।