ନୂଆଦିଲ୍ଲୀ,୨୨।୭: ଭାରତୀୟ ସେନାର ଶକ୍ତି ଆହୁରି ବୃଦ୍ଧି ପାଇବାକୁ ଯାଉଛି। ଯାହା ଯୋଗୁ କେବଳ ପାକିସ୍ତାନ ନୁହେଁ ବରଂ ଚାଇନାର ସମସ୍ୟା ମଧ୍ୟ ବୃଦ୍ଧି ପାଇବ। ମଙ୍ଗଳବାର ଆପାଚେ ଆଟାକ ହେଲିକପ୍ଟରର ପ୍ରଥମ ବ୍ୟାଚ ହିଣ୍ଡନ ଏୟାରବେସରେ ପହଞ୍ଚିଛି। ପ୍ରଥମ ବ୍ୟାଚରେ ଆମେରିକାରୁ ତିନୋଟି ଆପାଚେ ଆଟାକ ହେଲିକପ୍ଟର ଭାରତରେ ପହଞ୍ଚିଛି। ଏହି ହେଲିକପ୍ଟରଗୁଡ଼ିକୁ ଭାରତୀୟ ସେନାର ଏଭିଏସନ କୋର୍ପ୍ସ ନାଗପୁରରେ ମୁତୟନ କରାଯିବ। ଯାହା ପାଇଁ ଯୋଧପୁରର ନାଗତଲାଭରେ ଆପାଚି ସ୍କ୍ବାର୍ଡନ ପ୍ରସ୍ତୁତ କରାଯାଇଛି। ଏହା ସହିତ, ପାଇଲଟ ଏବଂ ଫିଲ୍ଡ କର୍ମଚାରୀଙ୍କୁ ତାଲିମ ଦିଆଯାଇଛି।
ସୂଚନାଯୋଗ୍ୟ, ଭାରତୀୟ ସେନା ଏହି ହେଲିକପ୍ଟରକୁ ବହୁତ ଦିନ ଧରି ଅପେକ୍ଷା କରିଥିଲା। ଏହି ହେଲିକପ୍ଟରର ଡେଲିଭରି ଗତ ବର୍ଷ ଜୁନ ମାସରେ ହେବାର ଥିଲା, କିନ୍ତୁ କୋଭିଡ ମହାମାରୀ ଭଳି ସମସ୍ୟା ଯୋଗୁ ଏହାକୁ ଭାରତ ଆଣିବାରେ ଗୋଟିଏ ବର୍ଷ ବିଳମ୍ବ ହୋଇଥିଲା। ଭାରତ ସରକାର ଫେବୃଆରୀ ୨୦୨୦ ରେ ୬ଟି ଆପାଚି AH-64E ଆଟାକ ହେଲିକପ୍ଟର ପାଇଁ ଏକ ଚୁକ୍ତି କରିଥିଲେ। ଏହି ଚୁକ୍ତି ୬୦୦ ମିଲିୟନ ଡଲାର ଅର୍ଥା ପ୍ରାୟ ୫୨୦୦ କୋଟି ଟଙ୍କାରେ କରାଯାଇଥିଲା। ଏହି ଚୁକ୍ତି ଅନୁଯାୟୀ, ଏପର୍ଯ୍ୟନ୍ତ ତିନୋଟି ହେଲିକପ୍ଟର ଭାରତରେ ପହଞ୍ଚିଛି। ଖୁବ ଶୀଘ୍ର ଆଉ ତିନୋଟି ହେଲିକପ୍ଟର ଭାରତକୁ ଯୋଗାଇ ଦିଆଯିବ।
ଆପାଚେ ଆଟାକ ହେଲିକପ୍ଟରକୁ ଉଡ଼ନ୍ତା ତୋପ କୁହାଯାଏ। ଯାହା ବହୁତ ଭାରୀ। ଏହି ହେଲିକପ୍ଟରଗୁଡ଼ିକ ଆକାଶରୁ ଶତ୍ରୁ ଉପରେ ଗୁଳି ବର୍ଷା କରିବାକୁ ସକ୍ଷମ। ଏହି ହେଲିକପ୍ଟରଗୁଡ଼ିକ ରାଜସ୍ଥାନର ଭାରତ-ପାକିସ୍ତାନ ସୀମାରେ ନିୟୋଜିତ ହେବେ। ଯାହା ଯୋଧପୁରରେ ୪୫୧ ଆର୍ମି ଏଭିଏସନ ସ୍କ୍ବାଡ୍ରନର ଅଂଶ ହେବ। ଆପାଚେ ଆଟାକ ହେଲିକପ୍ଟରକୁ ବିଶ୍ୱର ସବୁଠାରୁ ଉନ୍ନତ ଆଟାକ ହେଲିକପ୍ଟର ବୋଲି ବିବେଚନା କରାଯାଏ। ଯେଉଁଥିରେ ଘାତକ ଅଗ୍ନିଶକ୍ତି ଏବଂ ଅତ୍ୟାଧୁନିକ ପ୍ରଯୁକ୍ତିବିଦ୍ୟା ବ୍ୟବହାର କରାଯାଇଛି।
ଆପାଚେ ଆଟାକ ହେଲିକପ୍ଟରଗୁଡ଼ିକ 30 MM ଚେନ ଗନ ସହିତ ଲେଜର, ରାଡାର-ଗାଇଡେଡ ହେଲଫାୟାର ମିସାଇଲ ଏବଂ ରକେଟ ପଡ ସହିତ ସଜ୍ଜିତ। ଯାହା ଏହି ହେଲିକପ୍ଟରର ଅଗ୍ନିଶକ୍ତିକୁ ବୃଦ୍ଧି କରେ। ଯାହା ଯୋଗୁ ଏହା ଏକକାଳୀନ ଅନେକ ଲକ୍ଷ୍ୟକୁ ଟାର୍ଗେଟ କରିପାରିବ। ଏହି ହେଲିକପ୍ଟରରେ ଲଙ୍ଗବୋ ରାଡାର ରୋଟର ଉପରେ ସ୍ଥାପିତ ହୋଇଛି। ଯାହା ଏହାକୁ ଖରାପ ପାଗରେ ମଧ୍ୟ ସଠିକ ଭାବରେ ଟାର୍ଗେଟ କରିବାର କ୍ଷମତା ପ୍ରଦାନ କରେ ଏବଂ ରାତି କାର୍ଯ୍ୟ ପାଇଁ ନାଇଟ ଭିଜନ ସିଷ୍ଟମ ମଧ୍ୟ ପ୍ରଦାନ କରେ।
ଏହି ହେଲିକପ୍ଟରରେ ଦୁଇଟି ଜେନେରାଲ ଇଲେକ୍ଟ୍ରିକ T700 ଟର୍ବୋଶାଫ୍ଟ ଇଞ୍ଜିନ ସ୍ଥାପିତ ହୋଇଛି। ଯେଉଁଥିରେ ସାମ୍ନାରେ ଏକ ସେନ୍ସର ସ୍ଥାପିତ ହୋଇଛି। ଯାହା ଯୋଗୁ ଏହା ରାତିର ଅନ୍ଧାରରେ ମଧ୍ୟ ସହଜରେ ଉଡ଼ିପାରିବ। ଏହି ହେଲିକପ୍ଟରର ଗତି ଘଣ୍ଟା ପ୍ରତି ୩୬୫ କିଲୋମିଟର। ଆମେରିକା ନିଜେ ଏହି ହେଲିକପ୍ଟରଗୁଡ଼ିକୁ ବ୍ୟବହାର କରିଛି। ଆମେରିକା ପାନାମା ସହିତ ଆଫାଗାନିସ୍ତାନ ଏବଂ ଇରାକରେ ମଧ୍ୟ ଆପାଚେ ଆଟାକ ହେଲିକପ୍ଟର ବ୍ୟବହାର କରିଛି।