ନୂଆଦିଲ୍ଲୀ,୧୮।୧୦: ଦେଶର ପ୍ରମୁଖ ସ୍ମାର୍ଟ ଫୋନ୍ ଉତ୍ପାଦନକାରୀ କମ୍ପାନୀ ‘ସାଓମି ଇଣ୍ଡିଆ’ର ପ୍ରମୁଖ ବ୍ରାଣ୍ଡ୍ ରେଡ୍ମି ପକ୍ଷରୁ ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ରେଡ୍ମି ଏ୧+ର ଶୁଭାରମ୍ଭ ଓ ବଜାର ପ୍ରବେଶ ସମ୍ପର୍କରେ ଘୋଷଣା କରାଯାଇଛି। ବିଶେଷ କରି ମାତ୍ର ୬୯୯୯ ଟଙ୍କାରେ ଏଭଳି ଏକ ନୂତନ ଉତ୍ପାଦ (ରେଡ୍ମି ଏ୧+) ର ବଜାର ପ୍ରବେଶ ଉପଭୋକ୍ତାଙ୍କୁ ଆକର୍ଷିତ କରିବ ବୋଲି ଆଶା କରାଯାଉଛି। ରେଡ୍ମି ଏ୧+ କୁ ଏହାର ସର୍ବୋତମ ଶ୍ରେଣୀର ଫିଚରଗୁଡିକ ସହ ଚମତ୍କାର ମୂଲ୍ୟ ପ୍ରଦାନ କରିବା ପାଇଁ ପ୍ରଥମ ଥର ସ୍ମାର୍ଟଫୋନ୍ ବ୍ୟବହାର କରୁଥିବା ଗ୍ରାହକଙ୍କ ଲାଗି ଡିଜାଇନ୍ କରାଯାଇଛି। ଏକ ଲେଦର୍ ଟେକ୍ସଚର୍ଡ ଡିଜାଇନ୍, ଫିଙ୍ଗର ପ୍ରିଣ୍ଟ୍ ସେନ୍ସର ଓ ଏକ ବିଶାଳ ୫୦୦୦ ଏମ୍ଏଏଚ୍ ବ୍ୟାଟେରି ସହ ପ୍ରଥମ ଥର ସ୍ମାର୍ଟଫୋନ୍ ବ୍ୟବହାରକାରୀଙ୍କ ପାଇଁ ସ୍ବଳ୍ପ ବଜେଟରେ ଏକ ଉପଯୁକ୍ତ ପସନ୍ଦ ବୋଲି କମ୍ପାନୀ ପକ୍ଷରୁ କୁହାଯାଇଛି। ଏହି ଡିଭାଇସ୍ କ୍ରୟ ପାଇଁ ସ୍ବତନ୍ତ୍ର ରୂପେ ଫ୍ଲିପ୍କାର୍ଟ, ଏମ୍ଆଇ ଡଟ୍ କମ୍ ଓ ଅନ୍ୟ ରିଟେଲ୍ ଷ୍ଟୋର୍ଗୁଡିକରେ ମଧ୍ୟ ଉପଲବ୍ଧ ରହିଛି। ଏହାର ୮ ଏମ୍ପି ଡୁଆଲ କ୍ୟାମେରା ରିୟର ସେଟ୍ଅପ୍ ଉପଭୋକ୍ତାଙ୍କୁ ଆଲୋକ ଓ ସ୍ବତନ୍ତ୍ର ମୁହୂର୍ତ୍ତଗୁଡିକୁ କ୍ୟାପ୍ଚର କରିବାକୁ ଅନୁମତି ଦେଉଥିବା ବେଳେ ଏହାର ୫ଏମ୍ପି ଫ୍ରଣ୍ଟ କ୍ୟାମେରା ପାର୍ବଣ ସେଲ୍ଫିଗୁଡିକ ପାଇଁ ଉପଯୁକ୍ତ। ୧୦ଡବ୍ଲ୍ୟୁ ଫାଷ୍ଟ୍ ଚାର୍ଜର୍-ଇନ୍-ବକ୍ସ ସହ ଏକ ୫୦୦୦ ଏମ୍ଏଏଚ୍ ବ୍ୟାଟେରି ସହ ଏହି ସ୍ମାର୍ଟଫୋନ୍ ଏକ ସିଙ୍ଗଲ୍ ଚାର୍ଜରେ ୨ଦିନ ପର୍ଯ୍ୟନ୍ତ କାର୍ଯ୍ୟକ୍ଷମ ରହିଥାଏ। ଏହା ୩ଟି ରଙ୍ଗ ବିକଳ୍ପ ଲାଇଟ୍ ଗ୍ରୀନ୍, ଲାଇଟ୍ ବ୍ଲୁ ଓ ବ୍ଲାକ୍ ଏବଂ ଦୁଇଟି ଷ୍ଟୋରେଜ୍ ଭାରିଆଣ୍ଟ୍-୨ଜିବି/୩୨ଜିବି ଏବଂ ୩ଜିବି/୩୨ଜିବିରେ ଉପଲବ୍ଧ ହେଉଛି।
