ନୂଆଦିଲ୍ଲୀ,୧।୪: କ୍ରିକେଟର କିଙ୍ଗ୍ ବିରାଟ କୋହଲି ତାଙ୍କ ଫ୍ୟାନ୍ସଙ୍କୁ ଏକ ଖୁସି ଖବର ଦେଇଛନ୍ତି। ୧୫ସେକେଣ୍ଡର ଏକ ଭିଡିଓ ଶେୟାର କରି ସେ ସମସ୍ତଙ୍କୁ ଖୁସି କରି ଦେଇଛନ୍ତି। ଅର୍ଥାତ୍ ତାଙ୍କ ଅବସରକୁ ନେଇ ସେ ବଡ଼ ଖୁଲାସା କରିଛନ୍ତି।
ଚାମ୍ପିଅନ୍ସ ଟ୍ରଫି ପରେ, ବିରାଟ କୋହଲିଙ୍କ ଭବିଷ୍ୟତ ଏବଂ 2027 ବିଶ୍ୱକପ ପର୍ଯ୍ୟନ୍ତ ତାଙ୍କ ଖେଳିବା ବିଷୟରେ ବହୁତ ଆଲୋଚନା ହୋଇଥିଲା। କିନ୍ତୁ ଏବେ କୋହଲି ଏ ସମ୍ପର୍କରେ ତାଙ୍କର ବୟାନ ସ୍ପଷ୍ଟ କରିଛନ୍ତି। ସୋସିଆଲ ମିଡିଆରେ ଭାଇରାଲ ହେଉଥିବା 15 ସେକେଣ୍ଡରୁ କମ ସମୟର ଏକ ଭିଡିଓରେ ସେ ସ୍ପଷ୍ଟ ଭାବରେ କହିଛନ୍ତି ଯେ ସେ କେବଳ 2027 ବିଶ୍ୱକପ ଖେଳିବାକୁ ଚାହାଁନ୍ତି ତାହା ନୁହେଁ ବରଂ ସେ ଜିତିବାକୁ ମଧ୍ୟ ଚାହାଁନ୍ତି।
କୋହଲିଙ୍କୁ ପଚରାଯାଇଥିଲା ଯେ ବର୍ତ୍ତମାନ ସମୟରେ ତାଙ୍କର ବଡ଼ ପଦକ୍ଷେପ କ’ଣ ହେବାକୁ ଯାଉଛି ସେ ବିଷୟରେ କୌଣସି ସୂଚନା ଦେଇପାରିବେ କି? ଏହା ଉପରେ ବିରାଟ କୋହଲି କହିଥିଲେ ଯେ ମୁଁ ଜାଣିନାହିଁ ମୋର ପରବର୍ତ୍ତୀ ବଡ଼ ପଦକ୍ଷେପ କ’ଣ ହେବ? କିନ୍ତୁ ହୁଏତ ମୁଁ ୨୦୨୭ ODI ବିଶ୍ୱକପ ଜିତିବାକୁ ଚେଷ୍ଟା କରିପାରିବି। ଭିଡିଓରୁ ସ୍ପଷ୍ଟ ଯେ ବିରାଟ କୋହଲି ବର୍ତ୍ତମାନ ଅବସର ନେବାକୁ ଚିନ୍ତା କରୁନାହାଁନ୍ତି। ଯଦି ସେ ଏବେ କିଛି ବିଷୟରେ ଭାବୁଛନ୍ତି, ତାହା ହେଉଛି 2027 ବିଶ୍ୱକପ ଖେଳିବା ଏବଂ ଜିତିବା ବିଷୟରେ।
୨୦୨୭ ବିଶ୍ୱକପ ଜିତିବାର ଗର୍ବ କରୁଥିବା ବିରାଟ କୋହଲି ବର୍ତ୍ତମାନ ଆଇପିଏଲ ୨୦୨୫ରେ ଖେଳୁଛନ୍ତି। ସବୁବେଳେ ପରି, ସେ ଆରସିବିର ଏକ ଅଂଶ, ଯାହା ଲିଗରେ ଏପର୍ଯ୍ୟନ୍ତ ଖେଳାଯାଇଥିବା ଦୁଇଟି ମ୍ୟାଚ ଜିତିଛି। ବିରାଟ କୋହଲି ସେହି ଦୁଇଟି ମ୍ୟାଚରେ ଗୋଟିଏ ଅର୍ଦ୍ଧଶତକ ସହିତ 90 ରନ କରିଛନ୍ତି।