ଜ୍ୟୋତିଷଶାସ୍ତ୍ରରେ କେତୁ ଗ୍ରହକୁ ମୋକ୍ଷ ଏବଂ ଆଧ୍ୟାତ୍ମର କାରକ ବୋଲି କୁହାଯାଏ। ଏହାକୁ ପାପ ଗ୍ରହ କୁହାଯାଉଥିଲେ ହେଁ ଏହାର କିଛି ଗୁଣ ବୃହସ୍ପତିଙ୍କ ସହ ମେଳ ଖାଏ। ଆସନ୍ତାବର୍ଷ ମେ’ ୧୮ରେ କେତୁ ଗ୍ରହ କନ୍ୟା ରାଶିରୁ ବାହାରି ସିଂହ ରାଶିରେ ପ୍ରବେଶ କରିବେ। ପରେ ଓଲଟା ଚଳନରେ ସିଂହ ରାଶିରେ ଗୋଚର କରିବେ। ଏହି ରାଶି ପରିବର୍ତ୍ତନ ଯୋଗୁ କିଛି ରାଶିର ବ୍ୟକ୍ତିବିଶେଷଙ୍କୁ ଲାଭ ମିଳିବ। ନୂଆ ବର୍ଷରେ ଏମାନଙ୍କୁ ଭାଗ୍ୟର ସାଥ୍ ମିଳିବ ଆସନ୍ତୁ ଜାଣିବା:
ମିଥୁନ ରାଶି: କେତୁ ଗୋଚର ଯୋଗୁ ମିଥୁନ ରାଶି ପାଇଁ ୨୦୨୫ ଭଲ ସୁଯୋଗ ନେଇ ଆସିବ। ଏହି ସମୟରେ ଆପଣଙ୍କୁ ଅଚାନକ ଟଙ୍କା ମିଳିପାରେ। ଆମଦାନୀର ନୂଆ ସ୍ରୋତ ସୃଷ୍ଟି ହେବ। ଆପଣଙ୍କ ଆତ୍ମବିଶ୍ୱାସ ମଜଭୂତ ହେବ, ଯାହାଦ୍ୱାରା ଆପଣ ପ୍ରତିଟି କାମରେ ଭଲ ପ୍ରଦର୍ଶନ କରିବେ। ପରିବାରରେ କୌଣସି ଭଲ ଖବର ଯୋଗୁ ଖୁସିର ବାତାବରଣ ରହିବ। ନିଜର କଥା ଏବଂ ତର୍କ ଯୋଗୁ ସମାଜରେ ପରିଚୟ ବଢ଼ିବ। ଚାକିରିଆଙ୍କୁ ଲାଭ ମିଳିବ।
ବିଛା ରାଶି: କେତୁ ଗୋଚର ଯୋଗୁ ବିଛା ରାଶି ଜାତକଧାରୀଙ୍କ କ୍ୟାରିୟର ଏବଂ ଚାକିରିରେ ଭଲ ପ୍ରଭାବ ପଡ଼ିବ। ଅଫିସରେ ପରିଶ୍ରମ ଯୋଗୁ ପ୍ରଶଂସିତ ହେବେ। ବିଦେଶ ଯାତ୍ରାର ସୁଯୋଗ ରହିଛି। କିଛି ଲୋକଙ୍କୁ ବିଦେଶରେ ଚାକିରିର ଯୋଗ ରହିଛି। ଚାକିରି ଖୋଜୁଥିଲେ ଏହି ସମୟରେ ଭଲ ସୁଯୋଗ ମିଳିବ। ସଞ୍ଚୟ ଖାତାରେ ଟଙ୍କା ବଢ଼ଇବ। କ୍ୟାରିୟରରେ ଭଲ ପରିଣାମ ମିଳିବ।
ଧନୁ ରାଶି: କେତୁ ଗୋଚର ଯୋଗୁ ଧନୁ ରାଶିର ଲୋକେ ଧର୍ମକର୍ମରେ ରୁଚି ରଖିବେ। ଟଙ୍କା ପଇସାର ଅଭାବ ରହିବ ନାହିଁ। ବାପାଙ୍କଠାରୁ ଆର୍ଥିକ ସହାୟତା ମିଳିପାରେ। ୨୦୨୫ରେ ବିବାହ ବନ୍ଧନରେ ଆବଦ୍ଧ ହୋଇପାରନ୍ତି। ଚାକିରି କରିଥିଲେ ପ୍ରମୋଶନ ହୋଇପାରେ। ବୈବାହିକ ଜୀବନରେ ଚାଲୁଥିବା ଅସୁବିଧା ଦୂର ହେବ।