ମୁମ୍ବାଇ,୨୧ା୬: ଓଡ଼ିଶାର କଳିଙ୍ଗ ବ୍ଲାକ ଟାଇଗର୍ସ (କେବିଟି) ଚଳିତ ରଗ୍ବୀ ପ୍ରିମିୟର ଲିଗ୍ (ଆର୍ପିଏଲ୍)ରେ ଶନିବାର ପ୍ରଥମ ବିଜୟ ହାସଲ କରିଛି। ଆଜି ଖେଳାଯାଇଥିବା ମ୍ୟାଚ୍ରେ କଳିଙ୍ଗ ବ୍ଲାକ ଟାଇଗର୍ସ ୧୯-୧୫ ପଏଣ୍ଟରେ ଦିଲ୍ଲୀ ରେଡ୍ଜକୁ ପରାସ୍ତ କରିଛି।
ବିଜୟୀ ଦଳ ପାଇଁ ଆଶିଷ ସବର, ଲୁକାସ ଲାକାମ୍ପ ଓ କାଇଲ ଟ୍ରେମବ୍ଲେ ଟ୍ରାଇ ସ୍କୋର କରିଥିଲେ। ଦିଲ୍ଲୀ ପକ୍ଷରୁ ପାଟ୍ରିକ ଓକୋଙ୍ଗୋ, ଆଲେଜାଣ୍ଡ୍ରୋ ଲାଫୋର୍ଗା ଓ ଜୋର୍ଡାନ କନରୟ ଟ୍ରାଇ କରିଥିଲେ। ଏହି ବିଜୟ ସତ୍ତ୍ୱେ କେବିଟି ୬ ଦଳ ବିଶିଷ୍ଟ ପ୍ରତିଯୋଗିତାର ପଏଣ୍ଟ ଟେବୁଲରେ ପଞ୍ଚମ ସ୍ଥାନରେ ରହିଛି। ଅନ୍ୟ ଏକ ମ୍ୟାଚ୍ରେ ହାଇଦ୍ରାବାଦ ହିରୋଜ ୨୪-୧୭ ପଏଣ୍ଟରେ ମୁମ୍ବାଇ ଡ୍ରିମର୍ସକୁ ପରାସ୍ତ କରିଛି। ସେହିଭଳି ଚେନ୍ନାଇ ବୁଲ୍ସ ୩୧-୨୪ ପଏଣ୍ଟରେ ବେଙ୍ଗାଲୁରୁ ବ୍ରେଭହାଟର୍ସକୁ ହରାଇ ଦେଇଛି।