ମୁମ୍ବାଇ: ବଲିଉଡ୍ ଅଭିନେତ୍ରୀ କାଜଲ ପୁଣି ଥରେ ଚର୍ଚ୍ଚାରେ ରହିଛନ୍ତି। ତାଙ୍କର ଧାରାବାହିକ, ‘ଦି ଟ୍ରାଏଲ ୨’ ଓ୍ବେବ୍ ସିରିଜ୍ ଆଜି ଅର୍ଥାତ୍ ଶୁକ୍ରବାର JioHotstarରେ ରିଲିଜ ହୋଇଛି। ଏଥିରେ କାଜଲ ଜଣେ ଓକିଲ ଭୂମିକାରେ ଅଭିନୟ କରିଛନ୍ତି। ତାଙ୍କର ନୟୋନିକା ସେନଗୁପ୍ତାଙ୍କ ଚରିତ୍ର ପୁଣିଥରେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। ଓ୍ବେବ୍ ସିରିଜ୍ରେ ସେ ତାଙ୍କ ଅନସ୍କ୍ରିନ ସ୍ବମୀଙ୍କୁ କିସ୍ କରିଛନ୍ତି। ଏହା ଭାଇରାଲ ହେବାରେ ଲାଗିଛି।
ଯେତେବେଳେ କାଜଲ ବଲିଉଡରେ ଏଣ୍ଟ୍ରି କରିଥିଲେ, ସେ କିସ୍ ନ ଦେବା ପଲିସି ବା ନୀତି ବଜାୟ ରଖିଥିଲେ। ସେ ତାଙ୍କ ଫିଲ୍ମରୁ କିସିଂ ସିନ୍ କରିବାରୁ ନିବୃତ୍ତ ରହିଥିଲେ କିନ୍ତୁ ଓଟିଟି ପ୍ଲାଟ୍ଫର୍ମକୁ ଯିବା ପରେ ସେ ଏହି ନିୟମ ଭଙ୍ଗ କରିଛନ୍ତି।
କାଜଲଙ୍କ ପ୍ରଥମ କିସ୍ ସିନ୍ ଦୃଶ୍ୟ ‘ଦି ଟ୍ରାଏଲ’ର ପ୍ରଥମ ସିଜିନରେ ପ୍ରଦର୍ଶିତ ହୋଇଥିଲା, ଯେଉଁଠାରେ ସେ ତାଙ୍କ ଅନସ୍କ୍ରିନ ସ୍ବାମୀ, ଜଣେ ପାକିସ୍ତାନୀ ଅଭିନେତାଙ୍କୁ କିସ୍ ଦେଇଥିଲେ। ଏବେ ଓ୍ବେବ୍ ସିରିଜ୍ର ଦ୍ୱିତୀୟ ସିଜିନ ଆସିଛି ଏବଂ ଏଥିରେ ଏକ କିସ୍ ସିନ୍ ମଧ୍ୟ ରହିଛି। ଶେଷ ଏପିସୋଡ୍ରେ, ଅଭିନେତ୍ରୀ ତାଙ୍କ ଅନସ୍କ୍ରିନ୍ ସ୍ବାମୀଙ୍କୁ କିସ୍ କରୁଥିବାର ଦେଖାଯାଇଛି। ଏହି ଭିଡିଓ ଭାଇରାଲ ହେଉଛି। ଏହି ସିନ୍ରେ ଯୀଶୁ ଏବଂ କାଜଲଙ୍କ ମଧ୍ୟରେ ଏକ ଭାବପ୍ରବଣ ସିନ୍ ଦର୍ଶାଯାଇଛି, ଯେଉଁଥିରେ ସେମାନେ ପରସ୍ପରକୁ କିସ୍ କରୁଥିବାର ଦେଖାଯାଉଛି।
ଏହା କହିବାର ମୁଖ୍ୟ ଉଦ୍ଦେଶ୍ୟ ହେଲା କାଜଲ ତାଙ୍କ କ୍ୟାରିଅର ଆରମ୍ଭ କରିଥିଲେ କିସ୍ ନ କରିବା ସହିତ। ସେ ତାଙ୍କ ୨୯ ବର୍ଷର କ୍ୟାରିଅରରେ କେବେ କୌଣସି କିସ୍ ସିନ୍ କିମ୍ବା ଅନ୍ତରଙ୍ଗ ସିନ୍ କରି ନ ଥିଲେ। ସେ କହିଥିଲେ ଯେ, ସେ ଏପରି ସିନ୍ ସହିତ ଅସହଜ ଥିଲେ, କିନ୍ତୁ ବର୍ତ୍ତମାନ ସମୟ ବଦଳି ଯାଇଛି ବୋଲି ସେ ଏପରି କରିଥିଲେ।
‘ଦ ଟ୍ରାଏଲ ୨’ ବିଷୟରେ କହିବାକୁ ଗଲେ ଏହି ୬-ଏପିସୋଡ୍ ସିରିଜ୍ରେ କାଜଲ ତାଙ୍କ ବୃତ୍ତିଗତ ଏବଂ ବ୍ୟକ୍ତିଗତ ଜୀବନ ମଧ୍ୟରେ ବିଚ୍ଛିନ୍ନ ହୋଇଥିବା ଦେଖାଯାଇଛି। କାଜଲ ପୁଣି ଥରେ ତାଙ୍କ ଅଭିନୟ ଦ୍ୱାରା ଦର୍ଶକଙ୍କୁ ପ୍ରଭାବିତ କରିଛନ୍ତି।