ନୂଆଦିଲ୍ଲୀ,୨୯।୧୨: ନ୍ୟୁଜିଲାଣ୍ଡର ଅଲରାଉଣ୍ଡର ଡଗ ବ୍ରାସୱେଲ କ୍ରିକେଟର ସମସ୍ତ ଫର୍ମାଟରୁ ଅବସର ନେଇଛନ୍ତି। ବ୍ରାସୱେଲ ୬୯ଟି ଅନ୍ତର୍ଜାତୀୟ ମ୍ୟାଚରେ ନ୍ୟୁଜିଲାଣ୍ଡ ଦଳର ପ୍ରତିନିଧିତ୍ୱ କରିଥିଲେ, ୧୨୦ ଉଇକେଟ୍ ନେଇଥିଲେ ଏବଂ ୯୧୫ ରନ କରିଥିଲେ। ବ୍ରେସୱେଲ ଶ୍ରୀଲଙ୍କା ବିପକ୍ଷରେ ତାଙ୍କର ଶେଷ ଅନ୍ତର୍ଜାତୀୟ ମ୍ୟାଚ ଖେଳଛନ୍ତି।
ଡଗ ବ୍ରାସୱେଲ ନିକଟରେ ତାଙ୍କ ପଞ୍ଜରା ଆଘାତର ଶିକାର ହୋଇଥିଲେ, ଯାହା ତାଙ୍କୁ କ୍ରିକେଟରୁ ଅବସର ନେବାକୁ ବାଧ୍ୟ କରିଥିଲା। ନ୍ୟୁଜିଲାଣ୍ଡ କ୍ରିକେଟ ବୋର୍ଡ ମଧ୍ୟ ସୋସିଆଲ ମିଡିଆ ପ୍ଲାଟଫର୍ମ Xରେ ବ୍ରାସୱେଲଙ୍କ ଅବସରକୁ ଆନୁଷ୍ଠାନିକ ଭାବରେ ନିଶ୍ଚିତ କରିଛି।
ନ୍ୟୁଜିଲାଣ୍ଡ କ୍ରିକେଟ ବୋର୍ଡ ଡଗ ବ୍ରାସୱେଲଙ୍କ ଅବସରକୁ ନିଶ୍ଚିତ କରି ଲେଖିଛନ୍ତି, “ଅଲରାଉଣ୍ଡର ଡଗ ବ୍ରାସୱେଲ କ୍ରିକେଟର ସବସ୍ତ ଫର୍ମାଟରୁ ଅବସର ନେଇଛନ୍ତି। ବ୍ରାସୱେଲ ନ୍ୟୁଜିଲାଣ୍ଡ ପାଇଁ ୨୮ ଟେଷ୍ଟ, ୨୧ ଦିନିକିଆ ଏବଂ ୨୦ ଟି-୨୦ ଖେଳି ୧୨୦ ଉଇକେଟ୍ ନେଇଥିଲେ ଏବଂ ୯୧୫ ରନ କରିଥିଲେ। ସେ ଓବର୍ଟରେ ଅଷ୍ଟ୍ରେଲିଆ ବିପକ୍ଷରେ ନ୍ୟୁଜିଲାଣ୍ଡର ଅନ୍ତିମ ଟେଷ୍ଟ ବିଜୟରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ସେ ଦ୍ୱିତୀୟ ଇନିଂସରେ ୪୦ ରନ ଦେଇ ୬ ଉଇକେଟ୍ ନେଇ ନ୍ୟୁଜିଲାଣ୍ଡକୁ ୭ ରନର ସ୍ମରଣୀୟ ବିଜୟ ହାସଲ କରିବାରେ ସାହାଯ୍ୟ କରିଥିଲେ।