Police officers investigate the scene in Osaka's Nishinari district on May 1, 2025, after a man was arrested after allegedly ploughing his car into seven schoolchildren in a suspected deliberate attack, local media said. (Photo by JIJI PRESS / AFP) / Japan OUT
ଟୋକିଓ, ୨୩।୫: ଜାପାନରେ ଜଣେ ଟ୍ୟାକ୍ସି ଡ୍ରାଇଭର ମହିଳା ଯାତ୍ରୀଙ୍କୁ ଔଷଧ ଦେଇ ଅଚେତ କରି ବଳାତ୍କାର କରିବା ଅଭିଯୋଗରେ ଗିରଫ ହୋଇଛନ୍ତି। ସ୍ଥାନୀୟ ଗଣମାଧ୍ୟମ ଅନୁସାରେ, ଏହି ବ୍ୟକ୍ତି ପ୍ରାୟ ୫୦ ଜଣ ମହିଳାଙ୍କୁ ଯୌନ ନିର୍ଯାତନା କରିଥାଇପାରନ୍ତି।
ଟୋକିଓ ପୋଲିସ ଅନୁସାରେ, ୫୪ ବର୍ଷୀୟ ଏହି ବ୍ୟକ୍ତି ଗତ ବର୍ଷ ଜଣେ ୨୦ ବର୍ଷରୁ ଅଧିକ ବୟସ୍କ ଯୁବତୀଙ୍କୁ ଔଷଧ ଦେଇ ଅଚେତ କରିଥିଲେ। ଗଣମାଧ୍ୟମ ରିପୋର୍ଟ ଅନୁଯାୟୀ, ତାଙ୍କ କେଶରେ ନିଦ ଔଷଧର ଚିହ୍ନ ମିଳିଛି।
ପୋଲିସ ସୂତ୍ରରୁ ଏଏଫପି ରିପୋର୍ଟ ଅନୁଯାୟୀ, “ସେ ଜଣେ ମହିଳାଙ୍କୁ, ଯିଏ ତତ୍କାଳୀନ ସମୟରେ ୨୦ ବର୍ଷରୁ ଅଧିକ ବୟସ୍କ ଥିଲେ, ନିଦ ଔଷଧ ଖାଇବାକୁ ଦେଇ ଅଚେତ କରିଥିଲେ, ତାଙ୍କୁ ନିଜ ଘରକୁ ନେଇ ବଳାତ୍କାର କରିଥିଲେ ଏବଂ ତାହାର ଭିଡିଓ ରେକର୍ଡ କରିଥିଲେ।”
ଦି ୟୋମିଉରି ଶିମ୍ବୁନ ଏବଂ ଜିଜି ପ୍ରେସ ଭଳି ଗଣମାଧ୍ୟମ ସଂସ୍ଥା ରିପୋର୍ଟ କରିଛନ୍ତି ଯେ ତଦନ୍ତକାରୀମାନେ ଅଭିଯୁକ୍ତଙ୍କ ଡିଭାଇସରୁ ପ୍ରାୟ ୩,୦୦୦ ଭିଡିଓ ଏବଂ ଫଟୋ ଉଦ୍ଧାର କରିଛନ୍ତି।
ଏହି ଫୁଟେଜ, ଯେଉଁଥିରେ ସେ ତାଙ୍କ ଟ୍ୟାକ୍ସି କିମ୍ବା ଘରେ ମହିଳାମାନଙ୍କୁ ଯୌନ ନିର୍ଯାତନ କରୁଥିବା ଦୃଶ୍ୟ ଥିଲା। ତେବେ ଏହି ବ୍ୟକ୍ତି ଜଣକ ୨୦୦୮ ରୁ ଏପରି କାର୍ଯ୍ୟ କରୁଥିଲେ ବୋଲି ଜଣା ପଡିଛି।
ଏହି ଅଭିଯୁକ୍ତଙ୍କୁ ପୂର୍ବରୁ ଅକ୍ଟୋବର ମାସରେ ଅନ୍ୟ ଜଣେ ମହିଳାଙ୍କୁ ଔଷଧ ଦେଇ ଅଚେତ କରି ୪୦,୦୦୦ ଜାପାନୀ ମୁଦ୍ରା (ପ୍ରାୟ ୨୩,୯୧୧ ଟଙ୍କା) ଚୋରି ଅଭିଯୋଗରେ ଗିରଫ କରାଯାଇଥିଲା।
ସେହି ସମୟରେ କର୍ତ୍ତୃପକ୍ଷ ତାଙ୍କୁ ମୁକ୍ତ କରିଥିଲେ, କିନ୍ତୁ ଡିସେମ୍ବର ମାସରେ ଅଶାଳୀନ ଆକ୍ରମଣ ଅଭିଯୋଗରେ ତାଙ୍କୁ ପୁନର୍ବାର ହେପାଜତରେ ନିଆଯାଇଥିଲା।