ସାରା ବିଶ୍ୱରେ ଜୁନ୍ ୧୮ରେ ପାଳନ କରାଯାଉଛି ଇଣ୍ଟରନ୍ୟାଶନାଲ ପିକ୍ନିକ୍ ଡେ’ ବା ବିଶ୍ୱ ବଣଭୋଜି ଦିବସ। ଏହି ସ୍ବତନ୍ତ୍ର ଦିନରେ ଲୋକମାନେ ପିକ୍ନିକ୍ ମାଧ୍ୟମରେ ନିଜର ସାଙ୍ଗସାଥୀଙ୍କୁ ଭେଟିବାର ସୁଯୋଗ ପାଇଥାନ୍ତି। ଜଣେ ଅନ୍ୟ ଜଣଙ୍କ ସହ ସମୟ ଅତିବାହିତ କରିଥାନ୍ତି। ବ୍ୟସ୍ତବହୁଳ ତଥା ଧାଁଧଉଡ଼ ଜୀବନରୁ ଟିକେ ସମୟ ବାହାର କରି ମନକୁ ହାଲୁକା କରିବା ପାଇଁ ପିକ୍ନିକ୍ର ମଜା ନେଇଥାନ୍ତି ଲୋକେ। ଏହି ଦିନର ଇତିହାସ ଏବଂ ମହତ୍ତ୍ୱ ବିଷୟରେ ଜାଣନ୍ତୁ…
ଯଦିଓ ଏହି ଦିନର କୌଣସି ସଠିକ୍ ତଥ୍ୟ ନାହିଁ ମାତ୍ର ବିଦେଶରେ ରହୁଥିବା ଲୋକମାନେ ନିଜର ପରିବାର ସହ ସମୟ କାଟିବା ପାଇଁ ଉକ୍ତ ଦିନଟିକୁ ବାଛିଥାନ୍ତି। ପିକ୍ନିକ୍ ଫ୍ରେଞ୍ଚ ଭାଷାରୁ ଆସିଛି। ଯେଉଁଥିରେ ଲୋକମାନେ ଗୋଟିଏ ଜାଗାରେ ଏକାଠି ହୋଇ ସମୟ ବିତାଇଥାନ୍ତି ଏବଂ ନିଜ ନିଜର ଖାଦ୍ୟ ଏକାସାଙ୍ଗରେ ଶେୟାର କରିଥାନ୍ତି। ଫ୍ରାନ୍ସର ଲୋକମାନେ ପ୍ରଥମେ ଏହି ଦିବସ ପାଳନ କରିଥିଲେ।
ସେହିପରି ପର୍ତ୍ତୁଗାଲରେ ପିକ୍ନିକ୍ ଡେ’ ବେଶ୍ ଆଡମ୍ବର ସହକାରେ ପାଳନ କରାଯାଇଥାଏ। ଏହି ଇଭେଣ୍ଟରେ ପ୍ରାୟ ୨୦୦୦୦ ଲୋକ ଗୋଟିଏ ସ୍ଥାନରେ ଏକାଠି ହୋଇଥାନ୍ତି। ଏହି ରେକର୍ଡ ଗିନିଜ୍ ବୁକ୍ ଅଫ୍ ଓ୍ବାଲର୍ଡରେ ସ୍ଥାନ ପାଇଛି। ପ୍ରଥମେ ଏହାର ଉଦ୍ଦେଶ୍ୟ ହେଲା ଚିନ୍ତାରୁ ମୁକ୍ତ ପାଇବା। ଲୋକେ ପ୍ରଥମେ ରାଜନୀତିକ ଗତିବିଧିକୁ ନେଇ ଏହାକୁ ଆୟୋଜନ କରିଥିଲେ। ମାତ୍ର ଧିରେ ଧିରେ ଏହାର ଟ୍ରେଣ୍ଡ ବଦଳିଗଲା।
ପିକ୍ନିକ୍ ସ୍ପଟ୍ରେ ମ୍ୟୁଜିକ୍ ତଥା ସଙ୍ଗୀତକୁ ମଧ୍ୟ ଉପଭୋଗ କରିଥାନ୍ତି ଲୋକେ। ସୁନ୍ଦର ସୁନ୍ଦର ଗୀତରେ ଲୋକମାନେ ଏକାଠି ହୋଇ ଡ୍ୟାନ୍ସ କରିଥାନ୍ତି। ଯାହାକି ମନକୁ ହାଲୁକା କରିଥାଏ।