ଅହମଦାବାଦ,୭।୩: ନରେନ୍ଦ୍ର ମୋଦି ଷ୍ଟାଡିୟମରେ ରବିବାର ସନ୍ଧ୍ୟାରେ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଟି୨୦ ବିଶ୍ୱକପ୍ ଫାଇନାଲ ମ୍ୟାଚ୍ ଖେଳାଯିବ। ଏଥିଲାଗି ସହରର ପ୍ରାୟତଃ ହୋଟେଲରେ ରୁମ୍ ଭଡ଼ା ବୃଦ୍ଧି ପାଇଛି।
ଏପରିକି ରୁମ୍ ଭଡ଼ା ୩୦୦ରୁ ୪୦୦ ପ୍ରତିଶତ ବୃଦ୍ଧି ପାଇଛି। ଏ ସମ୍ପର୍କରେ ହୋଟେଲ୍ସ ଆଣ୍ଡ ରେଷ୍ଟୁରାଣ୍ଟ୍ସ ଆସୋସିଏଶନ ଅଫ୍ ଗୁଜରାଟ ସଭାପତି ତଥା ହୋଟେଲିଅର ନରେନ୍ଦ୍ର ସୋମାନି କହିଛନ୍ତି, ପୂର୍ବରୁ ଯେଉଁ ରୁମ୍ର ମୂଲ୍ୟ ୫ ହଜାର ଥିଲା, ତାହା ଏବେ ୩୦୦ରୁ ୪୦୦% ବୃଦ୍ଧି ପାଇ ୨୦ ହଜାରରେ ପହଞ୍ଚିଛି।
ଫାଇନାଲରେ ଭାରତ ଖେଳୁଥିବାରୁ କ୍ରିକେଟ ପ୍ରଶଂସକଙ୍କ ମଧ୍ୟରେ ହୋଟେଲ ରୁମ୍ ଚାହିଦା ବୃଦ୍ଧି ପାଇଛି। ଏଥିଯୋଗୁ ଅନଲାଇନରେ ଅନେକ ପ୍ରମୁଖ ହୋଟେଲରେ ରୁମ୍ ଭଡ଼ାରେ ବୃଦ୍ଧି ପାଇଥିବା ପରିଲଖିତ ହୋଇଛି। ସିନ୍ଧୁ ଭବନ ରୋଡ୍ରେ ଥିବା ତାଜ୍ ସ୍କାଇଲାଇନରେ ଏକ ଡିଲକ୍ସ ରୁମ୍ର ଭଡ଼ା ରବିବାର ରାତି ପାଇଁ ୨.୦୧ ଲକ୍ଷ ଟଙ୍କା ସହିତ ଜିଏସ୍ଟି ବାବଦକୁ ୩୬ ହଜାର ଅଧିକ ଦେବାକୁ ପଡ଼ିବ।