ଘିକୁଆଁରି ଚାଷ ଲାଭଜନକ ବୋଲି ପ୍ରମାଣ କରିଛନ୍ତି ମହାରାଷ୍ଟ୍ରର ହୃଷୀକେଶ ଜୟସିଂ ଧାନେ । ସତାରା ଜିଲା ପଡାଲି ଗାଁରେ ରୁହନ୍ତି ଜୟସିଂ। ସେଠାରେ ସେ ୮ ଏକର ଜମିରେ ଘିକୁଆଁରି ଚାଷ କରୁଛନ୍ତି। ଏହି ଚାଷରୁ ସେ ବର୍ଷକୁ ୩.୫ କୋଟି ଟଙ୍କାର ବିଜ୍ନେସ୍ କରିବା ସହ ସେଥିରୁ ୩୦% ଲାଭ ପାଉଛନ୍ତି। ଜୟସିଂ ବର୍ଷକୁ ହାରାହାରି ୮୦୦୦ ଲିଟର ଘିକୁଆଁରି ରସ ସଂଗ୍ରହ କରି ସେଥିରୁ ସାବୁନ, ଶାମ୍ପୂ, ଜୁସ୍ ଓ ଜୈବିକ କୀଟନାଶକ ପ୍ରସ୍ତୁତ କରୁଛନ୍ତି, ଯାହାର ବଜାରରେ ଅଧିକ ଚାହିଦା ରହିଛି। ଜଣେ ସଫଳ କୃଷକ ହେବା ଲାଗି ତାଙ୍କୁ ଜୀବନରେ ଅନେକ ଉତ୍ଥାନପତନ ଦେଇ ଯିବାକୁ ପଡ଼ିଛି। ଏପରି କି ସେ ଅର୍ଥାଭାବରେ ପଢ଼ି ଦଶମ ପାସ୍ କରିବା ପରେ ଏକ କମ୍ପାନୀରେ ଚାକିରି କରିଥିଲେ। ସେଥିରୁ ଯାହା ଦରମା ପାଉଥିଲେ ସେଥିରେ ପରିବାର ଚଳାଇବା ସମ୍ଭବ ନ ହେବାରୁ ସେ ଏକ ନର୍ସରି କରିଥିଲେ । ହେଲେ ତାହା ମଧ୍ୟ ଆବଶ୍ୟକତା ପୂରଣ କରିପାରି ନ ଥିଲା। ଶେଷରେ ୨୦୦୭ରେ ସେ ଘିକୁଆଁରି ଚାଷ କରିବାକୁ ନିଷ୍ପତ୍ତି ନେଇ ଅନ୍ୟ ଚାଷୀମାନଙ୍କଠାରୁ ପ୍ରାୟ ୪୦୦୦ ଘିକୁଆଁରି ଗଛ ସଂଗ୍ରହ କରି ଲଗାଇଥିଲେ।
Dharitri – The Largest & Most Trusted Odia Daily