ଇସଲାମାବାଦ,୨୪।୪: ପାକିସ୍ତାନ ପ୍ରଧାନମନ୍ତ୍ରୀ ଶହବାଜ ସରିଫ ଗୁରୁବାର ଜାତୀୟ ସୁରକ୍ଷା କମିଟି (ଏନଏସସି) ବୈଠକର ଅଧ୍ୟକ୍ଷତା କରିଛନ୍ତି। ଏହି ବୈଠକରେ, ୨୨ ଏପ୍ରିଲ ୨୦୨୫ରେ ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ ପରେ ଜାତୀୟ ସୁରକ୍ଷା ପରିବେଶ ଏବଂ ଆଞ୍ଚଳିକ ପରିସ୍ଥିତି ଉପରେ ଆଲୋଚନା କରାଯାଇଥିଲା। ପାକିସ୍ତାନର ଜାତୀୟ ସୁରକ୍ଷା କମିଟି ବୈଠକରେ ଅନେକ ନିଷ୍ପତ୍ତି ନିଆଯାଇଥିଲା। ପାକିସ୍ତାନ କହିଛି ଯେ ଯଦି ଭାରତ ପାଣି ବନ୍ଦ କରେ ତେବେ ଏହାକୁ ଯୁଦ୍ଧ ବା Act of War ବୋଲି ବିବେଚନା କରାଯିବ।
ପାକିସ୍ତାନ ମଧ୍ୟ ଭାରତ ସହିତ ସମସ୍ତ ଦ୍ୱିପାକ୍ଷିକ ଚୁକ୍ତିନାମାକୁ ତୁରନ୍ତ ପ୍ରଭାବରୁ ବନ୍ଦ କରିଦେଇଛି।
ପାକିସ୍ତାନ ସିମଲା ଚୁକ୍ତିନାମାକୁ ମଧ୍ୟ ବନ୍ଦ କରିଦେଲା।
ପାକିସ୍ତାନ ମଧ୍ୟ ତାର ୱାଘା ସୀମା ବନ୍ଦ କରିଦେଲା।
ପାକିସ୍ତାନ ତାର ଏୟାରସ୍ପେସ ବନ୍ଦ କରିଦେଲା।
ପାକିସ୍ତାନ ବର୍ତ୍ତମାନ ଦେଶରେ ଉପସ୍ଥିତ ସମସ୍ତ ଭାରତୀୟଙ୍କୁ ଏପ୍ରିଲ ୩୦ ସୁଦ୍ଧା ଦେଶ ଛାଡିବାକୁ ନିର୍ଦ୍ଦେଶ ଜାରି କରିଛି।
ପହଲଗାମ ଆତଙ୍କବାଦୀ ଆକ୍ରମଣ ପରେ ସିନ୍ଧୁ ଜଳ ଚୁକ୍ତିନାମାକୁ ସ୍ଥଗିତ ରଖିବା ପାଇଁ ଭାରତର ନିଷ୍ପତ୍ତିକୁ ପାକିସ୍ତାନ ପ୍ରତ୍ୟାଖ୍ୟାନ କରି କହିଛି ଯେ ଏହା ୨୪୦ନିୟୁତ ପାକିସ୍ତାନୀ ଲୋକଙ୍କ ପାଇଁ ଜୀବନରେଖା। ଭୟଭୀତ ପାକିସ୍ତାନ ଭାରତ ଉପରେ ଆନ୍ତର୍ଜାତୀୟ ଆଇନ ଉଲ୍ଲଂଘନ କରୁଥିବାର ଅଭିଯୋଗ ଆଣିଲା। ଭାରତର କାର୍ଯ୍ୟାନୁଷ୍ଠାନ ଭୟରେ ପାକିସ୍ତାନ କହିଛି ଯେ ପହଲଗାମ ଆକ୍ରମଣରେ ଏହାର କୌଣସି ଭୂମିକା ନାହିଁ। ପାକିସ୍ତାନ ପିଏମଓ ପକ୍ଷରୁ ଜାରି ଏକ ବିବୃତ୍ତିରେ କୁହାଯାଇଛି ଯେ ଭାରତର ଏହି ନିଷ୍ପତ୍ତି ରାଜନୈତିକ ଉତ୍ତେଜନା ବୃଦ୍ଧି କରିବ ଏବଂ ଏହି ଅଞ୍ଚଳରେ ଶାନ୍ତି ପ୍ରତିଷ୍ଠାରେ ବାଧା ସୃଷ୍ଟି କରିବ।