ନୂଆଦିଲ୍ଲୀ,୧୩।୪: ଅନ୍ତର୍ଜାତୀୟ କ୍ରିକେଟ ପରିଷଦ ୨୦୨୬ ମହିଳା ଟି୨୦ ବିଶ୍ୱକପ ପାଇଁ ଏକ ରେକର୍ଡ ପୁରସ୍କାର ରାଶି ଘୋଷଣା କରିଛି। ICC ଘୋଷଣା କରିଛି ଯେ ବିଜେତା ଦଳକୁ ୮,୧୬୪,୬୧୫ ଆମେରିକୀୟ ଡଲାର ମିଳିବ, ଯାହା ପ୍ରାୟ ୮୧.୮୦ କୋଟି। ମହିଳା ଟି୨୦ ବିଶ୍ୱକପ ଜୁନ ୧୨ରୁ ଜୁଲାଇ ୫ ପର୍ଯ୍ୟନ୍ତ ଇଂଲଣ୍ଡ ଏବଂ ୱେଲ୍ସରେ ଖେଳାଯିବ। ଏହା ପୂର୍ବ ସଂସ୍କରଣ ତୁଳନାରେ ୧୦ ପ୍ରତିଶତ ବୃଦ୍ଧି।
ଏହା ପ୍ରଥମ ଥର ପାଇଁ ବିଶ୍ୱର ୧୨ଟି ଦଳ ମହିଳା ଟି୨୦ ବିଶ୍ୱକପରେ ଅଂଶଗ୍ରହଣ କରିବେ। ପୂର୍ବ ସଂସ୍କରଣର ପୁରସ୍କାର ରାଶି ୭,୯୫୮,୦୭୭ ଆମେରିକୀୟ ଡଲାର ଥିଲା। ଏହି ବର୍ଷ ପୁରସ୍କାର ରାଶି ୮,୧୬୪,୬୧୫ ଆମେରିକୀୟ ଡଲାରକୁ ବୃଦ୍ଧି କରାଯାଇଛି।
ବିଜେତା ଦଳକୁ ୨,୩୪୦,୦୦୦ ଆମେରିକୀୟ ଡଲାର ମିଳିବ, ଯାହା ପ୍ରାୟ ୨୧.୮ କୋଟି ସହ ସମାନ। ଉପବିଜେତା ଦଳ ଏହାର ଅଧା ରାଶି, $୧,୧୭୦,୦୦୦ ପାଇବେ, ଯାହା ଭାରତୀୟ ମୁଦ୍ରାରେ ପ୍ରାୟ ୧୦.୯ କୋଟି ଟଙ୍କା। ପ୍ରତ୍ୟେକ ପରାଜିତ ସେମିଫାଇନାଲ ଦଳ $୬୭୫,୦୦୦ ପାଇବେ, ଏବଂ ଗ୍ରୁପ ପର୍ଯ୍ୟାୟରେ ବାଦ ପଡ଼ିଥିବା ଦଳଗୁଡ଼ିକ ମଧ୍ୟ ଖାଲି ହାତରେ ଫେରିବେ ନାହିଁ। ପ୍ରତ୍ୟେକ ଅଂଶଗ୍ରହଣକାରୀ ଦଳ ଅତି କମରେ $୨୪୭,୫୦୦ ପାଇବେ। ପ୍ରତ୍ୟେକ ଗ୍ରୁପ ପର୍ଯ୍ୟାୟ ବିଜୟ ପାଇଁ ଦଳଗୁଡ଼ିକୁ ଅତିରିକ୍ତ $୩୧,୧୫୪ମିଳିବ।