ବଲିଉଡର ନୀଳନୟନା ଐଶ୍ୱର୍ଯ୍ୟା ରାୟ। ବଲିଉଡ୍ର ହଲିଉଡ ଯାଏ, ସବୁଠି ତାଙ୍କ ଜଲଓ୍ବା। ଇଏ ଏମିତି ଜଣେ ନାୟିକା, ଯିଏ ତାଙ୍କ ପର୍ସନାଲ ଏବଂ ପ୍ରଫେସନାଲ ଲାଇଫ୍କୁ ଖୁବ ସୁନ୍ଦର ଭାବେ ସମ୍ଭାଳିଛନ୍ତି। ବୟସ ବଢ଼ିବା ପରେ ମଧ୍ୟ ନିଜର ସୌନ୍ଦର୍ଯ୍ୟରେ ସମସ୍ତଙ୍କୁ ପଛରେ ପକାଇ ଚାଲିଛନ୍ତି। ନିକଟରେ ସେ ସାଉଦି ଆରବର ରେଡ ସି ଇଣ୍ଟରନ୍ୟାଶନାଲ ଫିଲ୍ମ ଫେଷ୍ଟିଭାଲ ୨୦୨୫ରେ ଭାଗ ନେଇଥିଲେ। ଏଠାରେ ସେ ନିଜର ଆକର୍ଷଣରେ ସମସ୍ତଙ୍କୁ ମୋହିତ କରିଥିଲେ।
ଐଶ୍ୱର୍ଯ୍ୟା ଏହି ଇଭେଣ୍ଟ ପାଇଁ ଏକ ସୁନ୍ଦର କଳା ଗାଉନ ବାଛିଥିଲେ। ହାଲୁକା ମେକଅପ ସହିତ ସେ ତାଙ୍କ ସୌନ୍ଦର୍ଯ୍ୟକୁ ପ୍ରଦର୍ଶନ କରିଥିଲେ। ଏହି ସମୟରେ ଐଶ୍ ତାଙ୍କ କ୍ୟାରିଅର ବିଷୟରେ ଖୋଲାଖୋଲି କହିଥିଲେ। ମୁଁ କେବେ ଅସୁରକ୍ଷିତ ଅନୁଭବ କରେ ନାହିଁ। ଏହା ମୋ ବ୍ୟକ୍ତିତ୍ୱର ଏକ ପ୍ରକୃତ ଅଂଶ। ଲୋକମାନେ ସବୁ ପ୍ରକାରର କଥା କହି ତୁମର ନିଷ୍ପତ୍ତିକୁ ପ୍ରଭାବିତ କରିବାକୁ ଚେଷ୍ଟା କରନ୍ତି, କିନ୍ତୁ ଅସୁରକ୍ଷିତତା କେବେବି ମୋ ନିଷ୍ପତ୍ତିରେ ଏକ କାରଣ ହୋଇନାହିଁ। ମୁଁ ଏକ ସୌନ୍ଦର୍ଯ୍ୟ ପ୍ରତିଯୋଗିତାରୁ ଆସି ଆଜି ଏଠାରେ ପହଞ୍ଚିଛି। ମୁଁ କେବଳ ଭଲ ଫିଲ୍ମର ଏକ ଅଂଶ ହେବାକୁ ଚାହୁଁଛି ବୋଲି କହିଛନ୍ତି ନୀଳନୟନା।