ମୁମ୍ବାଇ,୨୭।୧୦: ଗୋଆ ବିପକ୍ଷ ରଣଜୀ ମ୍ୟାଚ୍ ସମୟରେ କରୁଣ ନାୟର କହିଛନ୍ତି, ଗତ ଦୁଇ ବର୍ଷରେ ଘରୋଇ କ୍ରିକେଟରେ ସ୍ଥିରତା ଦେଖାଇଥିବା ପରେ ମଧ୍ୟ ଭାରତୀୟ ଦଳରୁ କେବଳ ଗୋଟିଏ ସିରିଜ୍ ସୁଯୋଗ ପାଇଁ ହତାଶ ହୋଇଛନ୍ତି। ଇଂଲଣ୍ଡ ଗସ୍ତରେ ୮ ଇନିଂସରେ ୨୫.୬୨ ହାରରେ ସହ ୨୦୫ ରନ୍ (ଗୋଟିଏ ଅର୍ଦ୍ଧଶତକ) କରିଥିବା ବେଳେ ଅତିରକ୍ତ ଭାରତ ସିରିଜ୍ ଓ ଇଣ୍ଡିଆ ଏ ବିପକ୍ଷ ଦକ୍ଷିଣ ଆଫ୍ରିକା ଏ ମ୍ୟାଚ୍ରେ ସ୍ଥାନ ମିଳିନଥିଲା।
‘‘ନିଶ୍ଚିତ ଭାବେ ହତାଶାଜନକ। ଗତ ଦୁଇ ବର୍ଷର ପ୍ରଦର୍ଶନ ପରେ ମୁଁ ଅଧିକ ସିରିଜ୍ ପାଇଁ ଯୋଗ୍ୟ ଥିଲି। ଦଳର କିଛି ବ୍ୟକ୍ତି ମୋ ସହ ଆଲୋଚନା କରିଥିଲେ, କିନ୍ତୁ ମୁଖ୍ୟ କଥା ହେଉଛି ରନ୍ କରି ନିଜ କାମ କରିବା,’’ ବୋଲି କରୁଣ କହିଛନ୍ତି। ବିଦର୍ଭକୁ ଗତ ରଣଜୀ ଟ୍ରଫି ଜିତାଇଥିବା ଏହି ବ୍ୟାଟର ଦୁଇ ରଞ୍ଜି ସିଜନ୍ରେ ୧,୫୩୩ ରନ୍ କରିଥିଲେ।
ମୁଖ୍ୟ ଚୟନକର୍ତ୍ତା ଅଜିତ ଅଗରକର ଅତିରିକ୍ତ ଭାରତ ସ୍କ୍ୱାଡ୍ ଘୋଷଣା ସମୟରେ କହିଥିଲେ, ‘‘ଇଂଲଣ୍ଡରେ ଆମେ ଅଧିକ ଆଶା କରିଥିଲୁ। ଚାରି ଟେଷ୍ଟରେ କେବଳ ଗୋଟିଏ ଅର୍ଦ୍ଧଶତକ। ସଭିଙ୍କୁ ୧୫-୨୦ ସୁଯୋଗ ଦେବା ଆଦର୍ଶ, କିନ୍ତୁ ଏପରି ହେଉ ନାହିଁ।’’
ଜାତୀୟ ଦଳ ପାଇଁ ସ୍ୱପ୍ନ ଛାଡ଼ୁ ନ ଥିବା କରୁଣ କହିଛନ୍ତି, ‘‘ପରବର୍ତ୍ତୀ ଟାର୍ଗେଟ୍ ହେଉଛି ଦେଶ ପାଇଁ ଖେଳିବା। ନ ପାରିଲେ ଯେଉଁ ଦଳ ପାଇଁ ଖେଳୁଛି, ତା’ ପାଇଁ ମ୍ୟାଚ୍ ଜିତାଇବା।’’