ଦାରିଙ୍ଗବାଡ଼ି,୨୯ା୩(ଅରୁଣ ସାହୁ): ଓଡ଼ିଶାର କଶ୍ମୀର ତଥା ପର୍ଯ୍ୟଟନ କ୍ଷେତ୍ର ପାଇଁ ଦାରିଙ୍ଗବାଡ଼ି ଦେଶ ଓ ବିଦେଶରେ ପରିଚିତ। ଦୈନିକ ଶହ ଶହ ପର୍ଯ୍ୟଟକ ଦାରିଙ୍ଗବାଡ଼ି ବୁଲିବାକୁ ଆସୁଥିବା ବେଳେ ଏବେ ଦାରିଙ୍ଗବାଡ଼ି ଅଞ୍ଚଳରେ କୁଢ଼କୁଢ଼ ପ୍ଲାଷ୍ଟିକ, ବର୍ଜ୍ୟବସ୍ତୁକୁ ନେଇ ଚିନ୍ତା ବଢ଼ିଛି ଦାରିଙ୍ଗବାଡ଼ି ଆସୁଥିବା ପର୍ଯ୍ୟଟକ ଏବେ ନାକ ଟେକିବା ଆରମ୍ଭ କରିଛନ୍ତି। ଦୈନିକ ବାହାରୁଥିବା ଅଳିଆ ଆବର୍ଜନା, ପ୍ଲାଷ୍ଟିକ କି କୌଣସି ଡମ୍ପିୟାର୍ଡ଼ରେ ପକାଇବା ବ୍ୟବସ୍ଥା ପଞ୍ଚାୟତ କିମ୍ବା ପଞ୍ଚାୟତ ସମିତି ପକ୍ଷରୁ ବ୍ୟବସ୍ଥା ନ ଥିବାରୁ ଏବେ ଅଇଁଠା ଖଲିପତ୍ର, ପ୍ଲାଷ୍ଟିକ, ବର୍ଜ୍ୟବସ୍ତୁକୁ ୫୯ ନଂ ଜାତୀୟ ରାଜପଥର ହିଲ୍ଭିୟୁ ଘାଟିରେ ଦୈନିକ ଗାଡ଼ି ଗାଡ଼ି ଅଳିଆ ନେଇ ରାସ୍ତା କଡ଼ରେ ପକାଇ ଦିଆଯାଉଛି। ଫଳରେ ପରିବେଶ ନଷ୍ଟ ହେବା ସହ ପୁତ୍ତିଗନ୍ଧମୟ ପରିବେଶ ସୃଷ୍ଟି ହେଉଛି। ଯାହା ଦେଖି ପର୍ଯ୍ୟଟକ ନାକ ଟେକିବା ସହ ଉଦ୍ବେଗ ପ୍ରକାଶ କରୁଛନ୍ତି। ଏଥିପ୍ରତି ସ୍ଥନୀୟ ପଞ୍ଚାୟତ କାର୍ଯ୍ୟାଳୟ ପକ୍ଷରୁ ଦୃଷ୍ଟି ଦେବାକୁ ଅଞ୍ଚଳବାସୀ ଦାବି କରୁଛନ୍ତି।