ଗ୍ରୀଷ୍ମ ଋତୁରେ ଫ୍ରିଜରୁ ବହୁତ ଥଣ୍ଡା ପାଣି ପିଇବା ପାଇଁ ସମସ୍ତେ ଇଚ୍ଛା ପ୍ରକାଶ କରିଥାନ୍ତି । କିନ୍ତୁ ଏହା ଶରୀର ଉପରେ ସକରାତ୍ମକ ବଦଳରେ ନକାରାତ୍ମକ ପ୍ରଭାବ ପକାଇଥାଏ । ଫ୍ରିଜ୍ରୁ ଥଣ୍ଡା ପାଣି ପିଇବା ଦ୍ୱାରା ଗଳା ଖରାପ ହୋଇପାରେ । ଯଦି କଫ ଏବଂ ଗଳା ଯନ୍ତ୍ରଣାରୁ ରକ୍ଷା ପାଇବାକୁ ଚାହାଁନ୍ତି, ତେବେ ଥଣ୍ଡା ପାଣି ପିଇବାରୁ ଦୂରେଇ ରହିବା ଉଚିତ୍ । ପାଣିକୁ କିଛି ସମୟ ପାଇଁ ଫ୍ରିଜ୍ରୁ ବାହାର କରି ପିଇବା ଉଚିତ ।
ଥଣ୍ଡା ପାଣି ପିଇବା ଦାନ୍ତ ପାଇଁ କ୍ଷତିକାରକ ହୋଇପାରେ । ଯଦି ରେଫ୍ରିଜରେଟରରେ ରଖାଯାଇଥିବା ଥଣ୍ଡା ପାଣି ପିଅନ୍ତି, ତେବେ ଏହା ଦାନ୍ତର ମୂଳକୁ କ୍ଷତି ପହଞ୍ଚାଇପାରେ । ରେଫ୍ରିଜରେଟର ଥଣ୍ଡା ପାଣି ଦାନ୍ତରେ ଝିମ୍ଝିମ୍ ଏବଂ ଯନ୍ତ୍ରଣା ସୃଷ୍ଟି କରିପାରେ। ଫ୍ରିଜ୍ର ଅତ୍ୟଧିକ ଥଣ୍ଡା ପାଣି ପିଇବା ଦ୍ଵାରା ହଜମ ପ୍ରକ୍ରିୟା ମନ୍ଥର ହୋଇପାରେ। କୋଷ୍ଠକାଠିନ୍ୟ ଏବଂ ପେଟ ଫୁଲିବାରୁ ରକ୍ଷା ପାଇବା ପାଇଁ, ଥଣ୍ଡା ପାଣି ପିଇବାରୁ ଦୂରେଇ ରହିବା ଉଚିତ । ଅତ୍ୟଧିକ ଥଣ୍ଡା ପାଣି ପିଇବା ହୃଦସ୍ପନ୍ଦନ ପାଇଁ ମଧ୍ୟ ଭଲ ନୁହେଁ ବୋଲି ସ୍ବାସ୍ଥ୍ୟ ବିଶେଷଜ୍ଞମାନେ କହିଛନ୍ତି ।
ଡାକ୍ତରଙ୍କ କହିବା ଅନୁସାରେ, ଯଦି ଗ୍ରୀଷ୍ମ ଋତୁରେ ଥଣ୍ଡା ପାଣି ପିଇବାକୁ ଚାହାଁନ୍ତି, ତେବେ ଫ୍ରିଜ ବଦଳରେ ମାଟି ପାତ୍ରରୁ ପାଣି ପିଇପାରିବେ। ମାଟି ପାତ୍ରରୁ ପାଣି ପିଇବା ଦ୍ୱାରା ସ୍ୱାସ୍ଥ୍ୟ କ୍ଷତି ହେବ ନାହିଁ ।