ଗଞ୍ଜାମଳ,୧୮।୩(ବିଦ୍ୟାଧର ସାହୁ): ଗଞ୍ଜାମ ସହର ଜୟଶ୍ରୀ ଛକ ଷୋହଳ ନମ୍ବର ଜାତୀୟ ରାଜପଥ ପାର୍ଶ୍ୱରେ ଥିବା ହଂସରାଜ ବାର ବିଦେଶୀ ମଦ ଦୋକାନରୁ ବଡ଼ ଧରଣର ଚୋରି ହୋଇଥିବା ଜଣାପଡିଛି । ଖବରପାଇ ଗଞ୍ଜାମ ଥାନା ପ୍ରୋବେସନାରୀ ଆଇପିଏସ ମନୀଷ ସଗୁନ, ସେକେଣ୍ଡ ଅଫିସର ଅନିରୁଦ୍ଧ ସ୍ବାଇଁ, ଏଏସଆଇ ସୁପ୍ରଭା ସାହୁ ଘଟଣାସ୍ଥଳରେ ପହଞ୍ଚି ଛାନଭିନ୍ ଆରମ୍ଭ କରିଛି।
ସେଠାରେ ଲାଗିଥିବା ସିସିଟିଭି ଫୁଟେଜରୁ ଜଣା ପଡୁଛି ଯେ, ତିନିଜଣ ଯୁବକ ସୋମବାର ବିଳମ୍ବିତ ରାତିରେ ଛାତ ଉପରୁ ମଦ ଦୋକାନକୁ ଲୁହା ରଡରେ ଗ୍ରିଲ ତାଡି ମଦ କାଉଣ୍ଟରରେ ପଶି ଡ୍ରରୁ ୭୨ ହଜାର ଟଙ୍କା ଏବଂ ଏକ ହାର୍ଡଡିକ୍ସ ଚୋରି କରି ନେଇଯାଇଛନ୍ତି l ଏନେଇ ମଦ କାଉଣ୍ଟର ମ୍ୟାନେଜର ଗଞ୍ଜାମ ଥାନାରେ ଏତଲା ଦେଇଛନ୍ତି l ସମସ୍ତ ତିନିଜଣ ଯୁବକ କମ ବୟସର ବୋଲି ଫୁଟେଜରୁ ଜଣା ପଡିଛି।