ନୂଆଦିଲ୍ଲୀ: ଆମ ଦେଶରେ ଜ୍ୱାଇଁଙ୍କୁ ସବୁଠାରୁ ଅଧିକ ସମ୍ମାନ ଦିଆଯାଏ। ଯେତେବେଳେ ବି ଜ୍ୱାଇଁ ଘରକୁ ଆସନ୍ତି, ପୁରା ଶ୍ୱଶୁର ଘର ପରିବାର ତାଙ୍କ ଯତ୍ନ ନିଅନ୍ତି। ହେଲେ ଭାରତରେ ଏମିତି ଏକ ସମ୍ପ୍ରଦାୟ ରହିଛନ୍ତି ଯେଉଁମାନେ ଜ୍ବାଇଁକୁ ଚାକର ପରି ବ୍ୟବହାର କରିଥାଆନ୍ତି । ଏମାନେ ହେଲେ ଗୋଣ୍ଡ ଜନଜାତି । ଯେଉଁଠାରେ ବିବାହ ପୂର୍ବରୁ ବରକୁ ସେବକ ପରି କାମ କରିବାକୁ ପଡିବ। ଏହା ପରେ ହିଁ ସେ ବିବାହ କରନ୍ତି। ବେତୁଲ, ହୋଶଙ୍ଗାବାଦ, ସାଗର, ଦାମୋହ, ରାଇସେନ, ବାଲାଘାଟ, ମାଣ୍ଡଲା, ଖଣ୍ଡୱା, ମଧ୍ୟପ୍ରଦେଶର ଶାହଦୋଲ ବ୍ୟତୀତ ଛତିଶଗଡରେ ଗୋଣ୍ଡ ଆଦିବାସୀ ମଧ୍ୟ ଦେଖିବାକୁ ମିଳେ।
ଏହି ଜନଜାତି ପଞ୍ଚମ ଏବଂ ଷଷ୍ଠ ଶତାବ୍ଦୀରେ ଦକ୍ଷିଣ ଗୋଦାବରୀ ଉପକୂଳ ଦେଇ ମଧ୍ୟ ଭାରତରେ ପହଞ୍ଚିଥିଲା। ଗୋଣ୍ଡ ଏକ ଅଷ୍ଟ୍ରୋଲାଇଟ ଜାତି ଏବଂ ଦ୍ରାବିଡ଼ ପରିବାରର ଏକ ଜନଜାତି ଭାବରେ ବିବେଚନା କରାଯାଏ। ଯାହାକି ମଧ୍ୟପ୍ରଦେଶର ସବୁଠାରୁ ବଡ ଜନଜାତି। ମଧ୍ୟପ୍ରଦେଶର ଅନୁସୂଚୀରେ ଏହି ଜନଜାତିର୫୦ ରୁ ଅଧିକ ଉପ-ଶାଖା ଦିଆଯାଇଛି। ସୂଚନାଯୋଗ୍ୟ, ଗୋଣ୍ଡ ଜନଜାତିର ଇତିହାସ ବହୁତ ସମ୍ପନ୍ନ ଏବଂ ସମୃଦ୍ଧ ଥିଲା। ଅନେକ ଗୋଣ୍ଡ ରାଜବଂଶ ୧୫ରୁ ୧୭ଶତାବ୍ଦୀ ପର୍ଯ୍ୟନ୍ତ ଗୋଣ୍ଡୱାନା ଉପରେ ଶାସନ କରିଥିଲେ। ଗୋଣ୍ଡ ଜାତି ସିନ୍ଧୁ ଉପତ୍ୟକା ସଭ୍ୟତା ସହିତ ଜଡିତ ବୋଲି ବିଶ୍ୱାସ କରାଯାଏ।