ନୂଆଦିଲ୍ଲୀ,୨୩।୧୨: ଚଳିତ ବର୍ଷ ସୁନା ମୂଲ୍ୟରେ ତୀବ୍ର ବୃଦ୍ଧି ଘଟିଛି। ଡିସେମ୍ବର ୨୨ ତାରିଖରେ ବିଶ୍ୱ ସୁନା ମୂଲ୍ୟ ପ୍ରଥମ ଥର ପାଇଁ ପ୍ରତି ଆଉନ୍ସ ୪,୪୦୦ ଅତିକ୍ରମ କରି ଏକ ନୂତନ ରେକର୍ଡ ସ୍ଥାପନ କରିଥିଲା। ଭାରତରେ ୨୪ କ୍ୟାରେଟ୍ ସୁନାର ମୂଲ୍ୟ ପ୍ରତି ଦଶ ଗ୍ରାମ ୧୩୩,୯୭୦ ଟଙ୍କା ଥିଲା। ଆଜି ସୁନା ମୂଲ୍ୟ ୩ ପ୍ରତିଶତ ବୃଦ୍ଧି ପାଇ ଆଉନ୍ସ ୪,୪୮୮.୬୧ ରେ ପହଞ୍ଚିଛି । ୧୦ ଗ୍ରାମ୍କୁ ଲକ୍ଷେ ୩୮ ହଜାର ୫ ଶହ ୫୦ ଟଙ୍କା ହୋଇଛି ।
ଅନ୍ତର୍ଜାତୀୟ ବଜାରରେ ସୁନା ଇତିହାସରେ ୨୦୨୫ ବର୍ଷକୁ ସ୍ୱର୍ଣ୍ଣ ଅକ୍ଷରରେ ଲେଖାଯିବ। ଏହି ବର୍ଷ ସୁନା ମୂଲ୍ୟରେ ୬୮ ପ୍ରତିତ ବୃଦ୍ଧି ୧୯୭୦ ଦଶକର ଶେଷ ଭାଗ ପରେ ସବୁଠାରୁ ଶକ୍ତିଶାଳୀ ବାର୍ଷିକ ପ୍ରଦର୍ଶନ। ବିଶେଷଜ୍ଞମାନେ ବିଶ୍ୱାସ କରନ୍ତି ଆସନ୍ତାବର୍ଷ ରେକର୍ଡ ଭାଙ୍ଗିବ ସୁନା ଦର ।
ଯଦି ଭୁବନେଶ୍ବରରେ ସୁୁନାଦର କଥା ଦେଖିବା ୨୪ କ୍ୟାରେଟ୍ ୧୦ ଗ୍ରାମ୍ ଦର ୨୪ ଶହ ଟଙ୍କା ବୃଦ୍ଧି ପାଇଛି । ୧୦ ଗ୍ରାମ୍କୁ ଲକ୍ଷେ ୩୮ ହଜାର ୫ ଶହ ୫୦ ଟଙ୍କା ହୋଇଛି । ସେହିପରି ୨୨ କ୍ୟାରେଟ୍ ୨୨ ଶହ ବୃଦ୍ଧି ପାଇ ଲକ୍ଷେ ୨୭ ହଜାର ଟଙ୍କା ହୋଇଛି ।
ଗତ କିଛି ଦିନ ଧରି ସୁନା ମୂଲ୍ୟ ବୃଦ୍ଧି ପାଉଛି। ଯଦି ଆପଣ ଆଜି ସୁନା କିଣିବାକୁ ଯୋଜନା କରୁଛନ୍ତି, ତେବେ ଆପଣଙ୍କ ସହରର ସର୍ବଶେଷ ମୂଲ୍ୟ ଯାଞ୍ଚ କରିବା ଉଚିତ। ଭାରତରେ ସୁନା କିଣିବା କେବଳ ଏକ ନିବେଶ ନୁହେଁ; ଏହା ଭାରତୀୟ ପରମ୍ପରାରେ ଗଭୀର ଭାବରେ ଜଡିତ।
ଭାରତରେ ସୁନା କିଣିବାକୁ ଶୁଭ ବୋଲି ବିବେଚନା କରାଯାଏ। ଶୁଭ ଅବସରରେ ଏବଂ ପର୍ବପର୍ବାଣୀରେ ବହୁ ପରିମାଣର ସୁନା କିଣାଯାଏ। ଲୋକମାନେ ବିଶ୍ୱାସ କରନ୍ତି ଯେ ସୁନା ସକାରାତ୍ମକ ଲକ୍ଷଣ ଆଣିଥାଏ। ନିବେଶକମାନେ ମଧ୍ୟ ସୁନାକୁ ଏକ ସୁରକ୍ଷିତ ନିବେଶ ବିକଳ୍ପ ବୋଲି ବିବେଚନା କରନ୍ତି, ବିଶ୍ୱାସ କରନ୍ତି ଯେ ଏହା ସେମାନଙ୍କୁ ବିଶ୍ୱ ଅନିଶ୍ଚିତତା ମଧ୍ୟରେ ସୁରକ୍ଷିତ ରିଟର୍ଣ୍ଣ ପ୍ରଦାନ କରିପାରିବ।