ନୂଆଦିଲ୍ଲୀ,୨୪।୩: ୪୦ ବର୍ଷ ମଧ୍ୟରେ ସୁନାର ମୂଲ୍ୟ ସବୁଠାରୁ ଅଧିକ ହ୍ରାସ ପାଇଛି। ବିଶ୍ୱ ବଜାରରେ, ସୁନାର ମୂଲ୍ୟ ହ୍ରାସ ପାଇଛି। ତଥାପି ଇରାନ ଯୁଦ୍ଧ ଆରମ୍ଭ ହେବା ପରଠାରୁ, ଏହା ସର୍ବକାଳୀନ ରେକର୍ଡରୁ ଶୀର୍ଷ ପ୍ରାୟ ୨୦% ହ୍ରାସ ପାଇଛି। ବିଗତ କିଛି ଦିନ ମଧ୍ୟରେ ସୁନା ଦର ଏତେ କମିଛି ଯେ ଏହା ୪୦ ବର୍ଷର ସବୁଠାରୁ ବଡ଼ ସାପ୍ତାହିକ ହ୍ରାସ ଭାବରେ ପରିଚିତ ହୋଇଛି । ସୁନା ଦର ୪୦ ବର୍ଷର ସର୍ବନିମ୍ନ ସ୍ତରକୁ ଖସିଛି। ଏହି ହ୍ରାସ ପଛରେ ଡଲାର ମଜବୁତି, ସୁଧ ହାର ବୃଦ୍ଧିର ଆଶଙ୍କା ଭଳି କାରଣ ରହିଛି। କିନ୍ତୁ ବିଶେଷଜ୍ଞମାନେ ଏହାକୁ ନିବେଶକଙ୍କ ପାଇଁ ଏକ ସୁବର୍ଣ୍ଣ ସୁଯୋଗ ବୋଲି ମତ ଦେଉଛନ୍ତି।
ପୂର୍ବ ରେକର୍ଡ ଦର-୫,୫୯୫.୫୧ ଡଲାର/ଆଉନ୍ସ-(ଜାନୁଆରୀ ୨୯, ୨୦୨୬)ବର୍ତ୍ତମାନ ଦର-୪,୩୫୫ ଡଲାର/ଆଉନ୍ସ-(ମାର୍ଚ୍ଚ ୨୩, ୨୦୨୬)ସାପ୍ତାହିକ ହ୍ରାସ-୧୧%ରୁ ୧୪% (୪୦ ବର୍ଷ ମଧ୍ୟରେ)ଶୀର୍ଷଠାରୁ ହ୍ରାସ-୨୦%ରୁ ଅଧିକ
ମାର୍ଚ୍ଚ ୧୩ରେ ଯେଉଁ ସୁନା ପ୍ରାୟ ୫,୨୦୦ ଡଲାର/ଆଉନ୍ସ ଥିଲା, ତାହା ମାର୍ଚ୍ଚ ୨୩ ସୁଦ୍ଧା ୪,୩୫୪ ଡଲାର/ଆଉନ୍ସକୁ ଖସି ଆସିଛି। ଭାରତୀୟ ବଜାରରେ ମଧ୍ୟ ଏହାର ପ୍ରଭାବ ପଡ଼ିଛି। ଦିଲ୍ଲୀରେ ୨୪ ମାର୍ଚ୍ଚ ୨୦୨୬ରେ ୨୨ କ୍ୟାରେଟ୍ (ଅଳଙ୍କାର) ସୁନାର ଦର ପ୍ରାୟ ୧,୩୭,୦୦୦ ଟଙ୍କା ପ୍ରତି ୧୦ ଗ୍ରାମ ରହିଛି।
ଆଜି ଭାରତୀୟ ବଜାରରେ ୨୨ କ୍ୟାରେଟ ସୁନା ଦର ଦଶ ଗ୍ରାମ ପ୍ରତି ୧ ଲକ୍ଷ ୨୮ ହଜାର ୬୫୦ ଟଙ୍କା ରହିଥିବା ବେଳେ ୨୪ କ୍ୟାରେଟ ସୁନା ମୂଲ୍ୟ ଦଶ ଗ୍ରାମ ପ୍ରତି ୧ ଲକ୍ଷ ୪୦ ହଜାର ୩୫୦ ଟଙ୍କା ରହିଛି । ଗତକାଲି ଅର୍ଥାତ ସୋମବାର ଅପେକ୍ଷା ମଙ୍ଗଳବାର ଦର କମିଥିବା ଦେଖିବାକୁ ମିଳିଛି ।