ଦୁବାଇ,୫।୩: ହାର୍ଦ୍ଦିକ ପାଣ୍ଡ୍ୟା ଚାମ୍ପିଅନ୍ସ ଟ୍ରଫି ସେମିଫାଇନାଲ ମ୍ୟାଚ୍ରେ ଅଷ୍ଟ୍ରେଲିଆ ବିପକ୍ଷରେ ୨୮ ରନ୍ରେ ଏକ ଧମାକାଦାର ଇନିଂସ ଖେଳିଥିଲେ। ସେ ଆଉଟ ହେବାବେଳେ ଭାରତ ବିଜୟର ଦ୍ୱାରଦେଶରେ ଥିଲା। ତାଙ୍କ ଇନିଂସରେ ସେ ୧୦୬ ମିଟର ଲମ୍ବା ଏକ ଛକା ମାରିଥିଲେ, ଯାହାକୁ ଦେଖି ବିରାଟ କୋହଲି, କୋଚ ଗୌତମ ଗମ୍ଭୀରଙ୍କ ସମେତ ସମଗ୍ର ଷ୍ଟାଡିୟମ ଖୁସିରେ ଡେଇଁ ପଡ଼ିଥିଲା। ଏହି ଛକା ମାରିବା ପରେ, ତାଙ୍କର ତଥାକଥିତ ପ୍ରେମିକା ଜସ୍ମିନ ୱାଲିଆ ମଧ୍ୟ ଖୁସିରେ ଡେଇଁ ପଡ଼ିଥିଲେ। ସେ ଚାମ୍ପିଅନ୍ସ ଟ୍ରଫିର ପ୍ରତ୍ୟେକ ମ୍ୟାଚ୍ରେ ଟିମ ଇଣ୍ଡିଆକୁ ସମର୍ଥନ କରିବାକୁ ଆସୁଛନ୍ତି। ଯେତେବେଳେ ହାର୍ଦ୍ଦିକ ବ୍ୟାଟିଂ କରନ୍ତି, ସେ ଖୁସିରେ ଝୁମି ଉଠନ୍ତି। ଏହା ଆହୁରି ନିଶ୍ଚିତ କରେ ଯେ ଉଭୟଙ୍କ ମଧ୍ୟରେ ଏକ ବିଶେଷ ସମ୍ପର୍କ ରହିଛି।
ଚାମ୍ପିଅନ୍ସ ଟ୍ରଫି ସେମିଫାଇନାଲରେ ଅଷ୍ଟ୍ରେଲିଆ ଭାରତକୁ ବିଜୟ ପାଇଁ ୨୬୫ ରନର ଟାର୍ଗେଟ ଦେଇଥିଲା। ଟାର୍ଗେଟର ପିଛା କରି ବିରାଟ କୋହଲି ୮୪ ରନର ଏକ ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ କିନ୍ତୁ ଯେତେବେଳେ ସେ ଆଉଟ ହୋଇଥିଲେ ସେତେବେଳେ ଭାରତ ବିଜୟ ନିକଟତରଥିଲା। ଏହା ପରେ ହାର୍ଦ୍ଦିକ ପାଣ୍ଡ୍ୟା ଦାୟିତ୍ୱ ଗ୍ରହଣ କଲେ ଏବଂ ଏକ ଚମତ୍କାର ଇନିଂସ ଖେଳିଲେ। ସେ ୨୪ ବଲ୍ରେ ୨୮ ରନ୍ର ଇନିଂସ ଖେଳିଥିଲେ। ଏଥିରେ ଗୋଟିଏ ଚୌକା ଏବଂ ୩ ଛକା ସାମିଲ ଥିଲା॥ ଭାରତ ମ୍ୟାଚ୍ଟିକୁ ୪ ଉଇକେଟରେ ଜିତି ଫାଇନାଲ୍ରେ ପ୍ରବେଶ କରିଥିଲା।
୨୬୫ ରନର ପିଛା କରି ଟିମ ଇଣ୍ଡିଆ ୧୧ ବଲ ବାକି ଥାଇ ଟାର୍ଗେଟ ହାସଲ କରି ନେଇଥିଲା। ଏହି ବିଜୟ ସହିତ, ଭାରତ ICC ଚାମ୍ପିଅନ୍ସ ଟ୍ରଫି ୨୦୨୫ର ଫାଇନାଲରେ ପହଞ୍ଚିଛି। ଏବେ ନିଷ୍ପତ୍ତି ନିଆଯାଇଛି ଯେ, ଫାଇନାଲ ପାକିସ୍ତାନରେ ନୁହେଁ ବରଂ ମାର୍ଚ୍ଚ ୯ ତାରିଖରେ ଦୁବାଇରେ ଅନୁଷ୍ଠିତ ହେବ। ବୁଧବାର ଦକ୍ଷିଣ ଆଫ୍ରିକା ଏବଂ ନ୍ୟୁଜିଲାଣ୍ଡ ମଧ୍ୟରେ ଦ୍ୱିତୀୟ ସେମିଫାଇନାଲ ଖେଳାଯିବ।