ନୂଆଦିଲ୍ଲୀ,୪।୩: T୨୦ ବିଶ୍ୱକପ୍ ୨୦୨୬ର ପ୍ରଥମ ସେମିଫାଇନାଲରେ ଦକ୍ଷିଣ ଆଫ୍ରିକା ଏବଂ ନ୍ୟୁଜିଲାଣ୍ଡ ମଧ୍ୟରେ ମୁକାବିଲା ଆରମ୍ଭ ହୋଇଛି। ଏହି ଗୁରୁତ୍ୱପୂର୍ଣ୍ଣ ମ୍ୟାଚ୍ରେ ନ୍ୟୁଜିଲାଣ୍ଡ ଟସ ଜିତି ପ୍ରଥମେ ଫିଲ୍ଡିଂ କରିବାକୁ ନିଷ୍ପତ୍ତି ନେଇଛି। ସବୁଠାରୁ ବଡ଼ କଥା ହେଉଛି, ଏହି ନକଆଉଟ୍ ମ୍ୟାଚ ପାଇଁ ଉଭୟ ଦଳ ନିଜ ରଣନୀତିରେ ପରିବର୍ତ୍ତନ କରିଛନ୍ତି।
ସାଉଥ ଆଫ୍ରିକା ଦଳ ନିଜର ପ୍ଲେଇଙ୍ଗ ଇଲେଭେନ୍ରେ ୪ଟି ବଡ଼ ପରିବର୍ତ୍ତନ କରିଛି। ଦଳକୁ ଅଧିକ ଅଭିଜ୍ଞ କରିବା ପାଇଁ କାଗିସୋ ରବାଡା, ମାର୍କୋ ୟାନସେନ ଏବଂ କେଶବ ମହାରାଜଙ୍କୁ ଦଳରେ ସ୍ଥାନ ମିଳିଛି। ଅନ୍ୟପଟେ କ୍ୱାଟେ ମଫାକା, ଜର୍ଜ ଲିଣ୍ଡେ ଏବଂ ଏନ୍ରିିକ ନର୍ଖିଆଙ୍କୁ ଦଳରୁ ବାଦ ଦିଆଯାଇଛି। ନ୍ୟୁଜିଲାଣ୍ଡ ଦଳରେ ମଧ୍ୟ ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ କରାଯାଇଛି। ଲେଗ୍ ସ୍ପିନର ଈଶ ସୋଢୀଙ୍କ ସ୍ଥାନରେ ଅଲରାଉଣ୍ଡର ଜେମ୍ସ ନିଶାମଙ୍କୁ ସୁଯୋଗ ଦିଆଯାଇଛି।
T୨୦ ବିଶ୍ୱକପ ଇତିହାସରେ ନ୍ୟୁଜିଲାଣ୍ଡ କେବେ ବି ଦକ୍ଷିଣ ଆଫ୍ରିକାକୁ ହରାଇ ନାହିଁ।ସେହିଭଳି ଦକ୍ଷିଣ ଆଫ୍ରିକା ଦଳ କୌଣସି ବି ICC ନକଆଉଟ ମ୍ୟାଚ୍ରେ ନ୍ୟୁଜିଲାଣ୍ଡକୁ ପରାସ୍ତ କରିବାରେ ସଫଳ ହୋଇନାହିଁ। ଚଳିତ ବିଶ୍ୱକପ୍ରେ ଦକ୍ଷିଣ ଆଫ୍ରିକା ଅପରାଜେୟ ରହିଛି। ସେମାନେ ଭାରତ ଭଳି ଶକ୍ତିଶାଳୀ ଦଳକୁ ମଧ୍ୟ ପରାସ୍ତ କରିଛନ୍ତି। ତେଣୁ ଏହି ସେମିଫାଇନାଲରେ ସାଉଥ ଆଫ୍ରିକା ବିଜୟର ପ୍ରବଳ ଦାବିଦାର ଭାବେ ଉଭା ହୋଇଛି।