ଦିଗପହଣ୍ଡି,୧୯।୯(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ସିଦ୍ଧେଶ୍ୱର ଗ୍ରାମସରକାରୀ ଉଚ୍ଚ ବିଦ୍ୟାଳୟ ପକ୍ଷରୁ ‘ଆସ ସ୍କୁଲ ଯିବା’ କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ଆଦୌ ସ୍କୁଲ ଯାଇ ନ ଥିବା ଏବଂ ୧୮ ବର୍ଷରୁ କମ ବୟସର ଯେଉଁ ପିଲାମାନେ ପାଠ ପଢା ଛାଡ଼ି ଦେଇଛନ୍ତି।
ସେମାନଙ୍କୁ ପୁଣି ବିଦ୍ୟାଳୟରେ ନାମ ଲେଖାଇବା ପାଇଁ ଏହି ସଚେତନତା କାର୍ଯ୍ୟକ୍ରମ ଆୟୋଜିତ ହୋଇଥିଲା। ଛାତ୍ରୀଛାତ୍ରମାନେ ବିଦ୍ୟାଳୟ ପରିସରରୁ ସ୍ଲୋଗାନ ଦେଇ ଶୋଭାଯାତ୍ରାରେ ଗ୍ରାମ ପରିକ୍ରମା କରିବାସହ ଲୋକଙ୍କୁ ପ୍ରଚାରପତ୍ର ବଣ୍ଟନ କରିଥିଲେ। ପଦଯାତ୍ରାରୁ ଫେରିବା ପରେ ବିଦ୍ୟାଳୟ ଇକୋ କ୍ଳବ ତରଫରୁ ”ଏକ ପେଡ ମା କେ ନାମ” କାର୍ଯ୍ୟକ୍ରମ ଅନୁଯାୟୀ ଛାତ୍ରୀଛାତ୍ର ବୃନ୍ଦ ବିଭିନ୍ନ କିସମର ଚାରା ରୋପଣ କରିବା ସହ ସେଗୁଡିକର ଯତ୍ନ ନେବା ପାଇଁ ଶପଥ ପାଠ କରିଥଲେ। ପ୍ରଧାନଶିକ୍ଷୟିତ୍ରୀ ସସ୍ମିତା ନାୟକ ତତ୍ତ୍ୱାବଧାନରେ ହୋଇଥିବା ଏହି କାର୍ଯ୍ୟକ୍ରମରେ ଶିକ୍ଷୟିତ୍ରୀ ଦୀପ୍ତିରାଣୀ କାଟା, ଶୁଭମିକା ରଥ,ନିବେଦିତା ନାୟକ,ଶିକ୍ଷକ ତ୍ରିଲୋଚନ ନାୟକ,ଉପେନ୍ଦ୍ର କୁମାର ମିଶ୍ର,ଅମୂଲ୍ୟ ରଞ୍ଜନ ଭୁଜବଳ ଓ ଅଜୟ କୁମାର ବିଶ୍ବାଳ ପ୍ରମୁଖ ସହଯୋଗ କରିଥିଲେ।