ଲଗାତର ଦ୍ୱିତୀୟ ଦିନ ଧରି ଟେସ୍ଲାର ଶେୟାର କାରବାର ଖସିଛି। ଫଳରେ ଏଲନ୍ ମସ୍କଙ୍କର ସମ୍ପତ୍ତିରେ ୫୦ ବିଲିୟନ ଡଲାର ହ୍ରାସ ହୋଇଛି। ବ୍ଲୂମ୍ବର୍ଗ ବିଲିୟନେୟାର ସୂଚକାଙ୍କ ରିପୋର୍ଟ ଅନୁସାରେ ଏହା ସର୍ବାଧିକ ୨ ଦିନିଆ ହ୍ରାସ ବୋଲି କୁହାଯାଉଛି। ୨୦୧୯ରେ ଆମାଜନ ସିଇଓ ଜେଫ୍ ବେଜୋସ ଦିନକରେ ପ୍ରାୟ ୩୬ ବିଲିୟନ ଡଲାର ହରାଇଥିଲେ। ବେଜୋସ ତାଙ୍କ ସ୍ତ୍ରୀ ମ୍ୟାକେଞ୍ଜି ସ୍କଟ୍ଙ୍କଠାରୁ ଛାଡ଼ପତ୍ର ପରେ ସମ୍ପତ୍ତିରେ ଏଭଳି ହ୍ରାସ ଦେଖାଯାଇଥିଲା। ଟେସ୍ଲାରେ ରହିଥିବା ୧୦% ଅଂଶଧନ ବିକ୍ରି କରିବା ନେଇ ଟୁଇଟରେ ଘୋଷଣା କରିବା ପରେ ଶେୟାର ଖସିବା ନଜରକୁ ଆସିଛି।