ଚେନ୍ନାଇ,୧୮।୫ : ଜଲିକାଟ୍ଟୁଙ୍କୁ ଏକ ଖେଳ ଭାବରେ ସ୍ବୀକୃତି ଦେଇଥିବା ତାମିଲନାଡୁ ସରକାରଙ୍କ ଆଇନକୁ ସୁପ୍ରିମକୋର୍ଟ ସମର୍ଥନ କରିଛନ୍ତି। ଅଦାଲତ ଦର୍ଶାଇଛନ୍ତି ତାମିଲନାଡୁ କ୍ରୁଏଲିଟି ଟୁ ଆନିମଲ୍ସ ଆକ୍ଟ (ସଂଶୋଧନ), ୨୦୧୭ ଅନୁଯାୟୀ ପ୍ରାଣୀମାନଙ୍କ ଉପରେ ହେଉଥିବା ନିର୍ଯାତନା ଏବଂ ଯନ୍ତ୍ରଣାକୁ ବହୁ ମାତ୍ରା କମ କରୁଛି। ଏହି ଆଇନ ଅନୁଯାୟୀ ଜଲିକାଟ୍ଟୁର ଆଇନଗତ ବୈଧତା କାଏମ ରଖାଯାଇଛି।
ସୁପ୍ରିମକୋର୍ଟ ଏହି ରାୟ ଦେବାବେଳେ କହିଛନ୍ତି ନୂତନ ନିୟମରେ କ୍ରୁରତାର ଦିଗ ପ୍ରତି ଧ୍ୟାନ ଦିଆଯାଇଛି। କ୍ରୀଡ଼ା ତାମିଲନାଡୁର ସଂସ୍କୃତିର ଯୁଗ ଯୁଗ ଧରି ରହିଆସିଛି ଏବଂ ଏଥିରେ ବାଧା ସୃଷ୍ଟି ହୋଇପାରିବ ନାହିଁ।
ପ୍ରାଣୀଙ୍କ ପ୍ରତି ନିର୍ଦ୍ଦୟତା କରାଯାଉଥିବର ଦର୍ଶାଇ ଏହି ଆଇନକୁ ରଦ୍ଦ କରିବାକୁ ଦାବି କରାଯାଇଥିଲା। ଏହି ଆବେଦନରେ ସଂସଦରେ ପାରିତ ହୋଇଥିବା ପଶୁ କ୍ରୁରତା ନିବାରଣ ଆଇନର ଉଲ୍ଲଂଘନ ବୋଲି ବର୍ଣ୍ଣନା କରାଯାଇଥିଲା। ତେବେ କୋର୍ଟ ଏହାକୁ ଖାରଜ କରିଛନ୍ତି। କୋର୍ଟ କହିଛନ୍ତି ଯଦି କେଯଣସି ପ୍ରାଣୀଙ୍କ ପ୍ରତି ନିର୍ଦ୍ଦୟତା ପ୍ରଦର୍ଶନ କରାଯିବାର ଖବର ମିଳେ ତେବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
ମହାରାଷ୍ଟ୍ରର ଶଗଡ଼ ଦୌଡ଼ ଏବଂ କର୍ନାଟକର କାମ୍ବାଲା ଖେଳ ବିରୋଧରେ ହୋଇଥିବା ଆବେଦନକୁ ମଧ୍ୟ କୋର୍ଟ ଖାରଜ କରିଛନ୍ତି। କୋର୍ଟ କହିଛନ୍ତି ଏହି ତିନୋଟି ଖେଳ ଆଇନଗତ ବୈଧ ଏବଂ ଏଥିରେ ପ୍ରାଣୀମାନଙ୍କର ସୁରକ୍ଷା ସୁନିଶ୍ଚିତ କରାଯାଇଛି।