ଦାରିଙ୍ଗବାଡି, ୧୪।୧ (ଅରୁଣ ସାହୁ):କନ୍ଧମାଳ ଜିଲା ଦାରିଙ୍ଗବାଡିଠାରେ ରହିଥିବା ଅନୁସୂଚିତ ଜାତି ଓ ଜନଜାତି ଉନ୍ନୟନ ବିଭାଗର ସରକାରୀ ବାଳିକା ଉଚ୍ଚ ବିଦ୍ୟାଳୟ ପରିସରରେ ମଙ୍ଗଳବାର ବାର୍ଷିକ ଉତ୍ସବ ବିଦ୍ୟାଳୟର ପ୍ରଧାନ ଶିକ୍ଷକ ଅଜୟ କୁମାର ଜେନାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଏଥିରେ ସ୍ଥାନୀୟ ତହସିଲଦାର ଧୀରୋଜ ପାତ୍ର ଯୋଗଦେଇ ଏହାକୁ ଉଦଘାଟନ କରିଥିଲେ ଅନ୍ୟ ଅତିଥିଙ୍କ ମଧ୍ୟରେ ଉଲିପଦର ସରକାରୀ ବାଳିକା ବିଦ୍ୟାଳୟର ପ୍ରଧାନ ଶିକ୍ଷକ ମଦନ ମୋହନ ବେହେରା, ଦାରିଙ୍ଗବାଡି ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷା ସୋନାଲିକା ପୃଷ୍ଟି, ବରିଷ୍ଠ ଶିକ୍ଷକ ନରେନ୍ଦ୍ର ବେହେରା,ପୋଲିସ ସବ ଇନ୍ସପେକ୍ଟର ବାସନ୍ତି ବେହେରା, ନାରୀ ନେତ୍ରୀ ବିଳାସିନି ନାୟକ, ବିଦ୍ୟାଳୟ ପରିଚାଳନା କମିଟିର ସଭାପତି ସନ୍ତୋଷ ପ୍ରଧାନ, ମଞ୍ଚାସୀନ ରହିଥିଲେ। କାର୍ଯ୍ୟକ୍ରମରେ ଗ୍ରେସିୟସ ଦାସ ଏବଂ ଅନିତା ପ୍ରଧାନମଞ୍ଚ ପରିଚାଳନା ସମ୍ପାଦନ କରିହିଲେ। ଶିକ୍ଷାର ବିକାଶ ସହ ବିଦ୍ୟାଳୟରେ ପ୍ରତିବର୍ଷ ଦଶମ ଶ୍ରେଣୀ ଛାତ୍ରୀମାନେ ଯେଉଁ ଭଳି ପରୀକ୍ଷା ଫଳାଫଳ ଶତ ପ୍ରତିଶତ ସଫଳ ହେଉଛି। ତାହା ବଜାୟ ରଖିବା ସହ ଭଲ ଗ୍ରେଡ଼ ରେ ତାହା ଉର୍ତ୍ତିନ୍ନ ହେବାକୁ ପିଲାଙ୍କୁ ଅତିଥି ନରେନ୍ଦ୍ର ବେହେରା ପରାମର୍ଶ ଦେଇଥିଲେ। ସେହିପରି
ସମସ୍ତଙ୍କ ମିଳିତ ଉଦ୍ୟମରେ ତଥା ଛାତ୍ରୀ, ଅଭିଭାବକ, ଶିକ୍ଷୟତ୍ରୀ ଶିକ୍ଷକ ଙ୍କ ସହଯୋଗ ରେ ଶିକ୍ଷାର ବିକାଶ ହେବ ବୋଲି କୁହାଯାଇଥିଲା ସେହିପରି ସଫଳତାର ଶୀର୍ଷ ରେ ପହଞ୍ଚିବାକୁ ହେଲେ କଠିନ ପରିଶ୍ରମ, ଶୃଙ୍ଖଳା କୁ ଅଧିକା ଗୁରୁତ୍ୱ ଦେବାକୁ ଅତିଥିମାନେ ବିଦ୍ୟାକୟର ଛାତ୍ରୀ ମାନଙ୍କୁ ପରାମର୍ଶ ଦେଇଥିଲେ। ଏହି ଅବସରରେ ବିଦ୍ୟାଳୟରେ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା କୃତିତ୍ୱ ଛାତ୍ରୀ ମାନଙ୍କୁ ବିଦ୍ୟାଳୟ ପକ୍ଷରୁ ମାନପତ୍ର, ଟ୍ରଫି ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା ପରେ ଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମରେ ନୃତ୍ୟ, ସଙ୍ଗୀତ ଡାକଗତ ନୃତ୍ୟ ଅନୁଷ୍ଠିତ ହୋଇଥିଲା।