କୋଲକାତା,୮ା୧: ଗୁରୁବାର ପ୍ରବର୍ତ୍ତନ ନିର୍ଦ୍ଦେଶାଳୟ (ED) କୋଲକାତାରେ IPAC ମୁଖ୍ୟ ପ୍ରତୀକ ଜୈନଙ୍କ ଘରେ ଚଢ଼ାଉ କରିଛି। ଏହି ଚଢ଼ାଉ କୋଇଲା ଦୁର୍ନୀତି ସମ୍ପର୍କରେ କରାଯାଇଛି। ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ସେଠାରେ ପହଞ୍ଚିଛନ୍ତି। IPAC ହେଉଛି ମମତାଙ୍କ ଦଳ, ଯାହା TMC ପାଇଁ କାମ କରେ। ମମତା ବାନାର୍ଜୀ IPAC କାର୍ଯ୍ୟାଳୟରୁ ଏକ ଫାଇଲ ନେଇ ବାହାରି ଆସିଥିଲେ। ସେ କହିଥିଲେ, ‘ଏହା ସବୁ ସ୍ବରାଷ୍ଟ୍ର ମନ୍ତ୍ରୀଙ୍କ ନିର୍ଦ୍ଦେଶରେ ଘଟୁଛି। ମୋ ଦଳ ବିଷୟରେ ସୂଚନା ସଂଗ୍ରହ କରାଯାଉଛି।
ଜାଲ୍ ସରକାରୀ ଚାକିରି ଦୁର୍ନୀତି ମାମଲାରେ ତଦନ୍ତକାରୀ ସଂସ୍ଥା ଦେଶର ଏକକାଳୀନ ୧୫ଟି ସ୍ଥାନରେ ଚଢାଉ କରୁଛି। ଏହି ଚଢ଼ାଉ ଏକ ଗ୍ୟାଙ୍ଗକୁ ଟାର୍ଗେଟ କରୁଛି ଯେଉଁମାନେ ଜାଲ୍ ଚାକିରି ପ୍ରଦାନ କରି ଲୋକଙ୍କୁ ଲୁଟୁଛନ୍ତି। ଅଧିକାରୀମାନେ କହିଛନ୍ତି ଯେ, ସରକାରୀ ଚାକିରି ପାଇଁ ନକଲି ନିଯୁକ୍ତି ପତ୍ର ପଠାଇବା ସହ ଜଡିତ ଏକ ମାମଲାର ମନି ଲଣ୍ଡରିଂ ତଦନ୍ତର ଅଂଶ ସ୍ୱରୂପ ଏହି କାର୍ଯ୍ୟାନୁଷ୍ଠାନ ନିଆଯାଇଛି। ସେମାନେ କହିଛନ୍ତି, ଏଜେନ୍ସି ଏକ ସଂଗଠିତ ରାକେଟକୁ ଟ୍ରାକ୍ କରୁଛି। ସେମାନେ କହିଛନ୍ତି ଇଡିର ପାଟନା କାର୍ଯ୍ୟାଳୟ ବିହାର, ପଶ୍ଚିମବଙ୍ଗ, କେରଳ, ତାମିଲନାଡୁ, ଗୁଜରାଟ ଏବଂ ଉତ୍ତର ପ୍ରଦେଶରେ ଚଢ଼ାଉ କରୁଛି।
ଏହି ଚଢ଼ାଉରେ ଭାଜପା ନେତା ଶୁଭେନ୍ଦୁ ଅଧିକାରୀ ମମତା ବାନାର୍ଜୀଙ୍କ ବିରୋଧରେ ଏକ ବିବୃତ୍ତି ଜାରି କରିଛନ୍ତି। ସେ ତାଙ୍କୁ ଏକ କେନ୍ଦ୍ରୀୟ ଏଜେନ୍ସିର କାମରେ ବାଧା ଦେବାର ଅଭିଯୋଗ କରିଛନ୍ତି। ସେ କହିଛନ୍ତି, ‘ମମତା ବାନାର୍ଜୀ ସମ୍ବିଧାନର ଉଲ୍ଲଂଘନ କରୁଛନ୍ତି। ସେ କେନ୍ଦ୍ରୀୟ ଏଜେନ୍ସିର କାମରେ ହସ୍ତକ୍ଷେପ କରୁଛନ୍ତି।