WASHINGTON, DC - NOVEMBER 13: U.S. President-elect Donald Trump speaks at a House Republicans Conference meeting at the Hyatt Regency on Capitol Hill on November 13, 2024 in Washington, DC. As is tradition with incoming presidents, Trump is traveling to Washington, DC to meet with U.S. President Joe Biden at the White House as well as Republican members of Congress on Capitol Hill. (Photo by Allison Robbert-Pool/Getty Images)
ନୂଆଦିଲ୍ଲୀ,୬ା୨: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବିଶ୍ୱ ତୈଳ ବଜାରକୁ ନେଇ ଏକ ଚକିତ କଲା ଭଳି ଦାବି କରିଛନ୍ତି। ୱାଶିଂଟନରେ ଆୟୋଜିତ ୭୪ତମ ‘ନ୍ୟାସନାଲ ପ୍ରେୟର ବ୍ରେକଫାଷ୍ଟ’ କାର୍ଯ୍ୟକ୍ରମରେ ଉଦ୍ବୋଧନ ଦେଇ ସେ କହିଛନ୍ତି ଯେ, ବର୍ତ୍ତମାନ ଆମେରିକା ଏବଂ ଭେନେଜୁଏଲା ମିଳିତ ଭାବେ ବିଶ୍ୱର ପ୍ରାୟ ୬୮ ପ୍ରତିଶତ ତୈଳ ଭଣ୍ଡାରର ଅଧିକାରୀ।
ଜାନୁଆରୀ ମାସରେ ଆମେରିକା ଦ୍ୱାରା କରାଯାଇଥିବା ଏକ ବଡ଼ ସୈନ୍ୟ ଅଭିଯାନ ସମ୍ପର୍କରେ ସୂଚନା ଦେଇ ଟ୍ରମ୍ପ କହିଛନ୍ତି ଯେ, ଆମେରିକା ଭେନେଜୁଏଲାରେ ପ୍ରବେଶ କରି ରାଷ୍ଟ୍ରପତି ନିକୋଲାସ ମାଦୁରୋ ଏବଂ ତାଙ୍କ ପତ୍ନୀଙ୍କୁ କବଜା କରିଛି। ଭେନେଜୁଏଲାର ଆର୍ଥିକ ସ୍ଥିତି ଶୋଚନୀୟ ଥିଲେ ମଧ୍ୟ ସେଠାରେ ବିଶ୍ୱର ସବୁଠାରୁ ବଡ଼ ପ୍ରାକୃତିକ ତୈଳ ଭଣ୍ଡାର ରହିଛି।
ଟ୍ରମ୍ପଙ୍କ ଅନୁଯାୟୀ, ଆମେରିକାର ବଡ଼ ବଡ଼ ତୈଳ କମ୍ପାନୀଗୁଡ଼ିକ ଏବେ ଭେନେଜୁଏଲା ଯିବେ ଏବଂ ସେଠାକାର ଭିତ୍ତିଭୂମିର ବିକାଶ ପାଇଁ ବିଲିୟନ ବିଲିୟନ ଡଲାର ନିବେଶ କରିବେ।
ଏହି ତୈଳ ସମ୍ପଦକୁ ଆମେରିକା ବିଶ୍ୱ ବଜାରରେ ବିକ୍ରି କରିବ ଏବଂ ଏହାର ଲାଭ ଉଭୟ ଦେଶକୁ ମିଳିବ ବୋଲି ସେ କହିଛନ୍ତି। ଭେନେଜୁଏଲାରେ ଏକ ସୁରକ୍ଷିତ ସତ୍ତା ପରିବର୍ତ୍ତନ ନହେବା ପର୍ଯ୍ୟନ୍ତ ଆମେରିକା ସେହି ଦେଶର ଶାସନ ବ୍ୟବସ୍ଥା ଏବଂ ତୈଳ ସମ୍ପଦକୁ ପରିଚାଳନା କରିବ।
ସୂଚନାଯୋଗ୍ୟ ଯେ, ଭେନେଜୁଏଲା ପାଖରେ ବିଶ୍ୱର ପ୍ରାୟ ୧୭ ପ୍ରତିଶତ ପ୍ରମାଣିତ ତୈଳ ଭଣ୍ଡାର ରହିଛି, ଯାହା ବିଶ୍ୱରେ ସର୍ବାଧିକ। ଟ୍ରମ୍ପଙ୍କ ଏହି ଦାବି ଏବଂ ସୈନ୍ୟ କାର୍ଯ୍ୟାନୁଷ୍ଠାନକୁ ନେଇ ଏବେ ଆନ୍ତର୍ଜାତୀୟ ସ୍ତରରେ ବିବାଦ ଓ ଆଇନଗତ ପ୍ରଶ୍ନବାଚୀ ସୃଷ୍ଟି ହୋଇଛି।